POP 5

Lajmet më të lexuara të 5 minutave të fundit

Ekonomi

Ulet me 4 lekë çmimi i naftës, nga sot shitet 223 lekë! 1 lekë më pak dhe benzina! Gazi i pandryshuar

Bordi i Transparencës ka vendosur që të ulë me 4 lekët çmimin e naftës si edhe me 1 lekë çmimin e benzinës.

Ulet me 4 lekë çmimi i naftës, nga sot shitet 223 lekë! 1 lekë më pak dhe benzina! Gazi i pandryshuar

Foto ilustruese

TIRANË- Bordi i Transparencës ka vendosur që të ulë me 4 lekët çmimin e naftës si edhe me 1 lekë çmimin e benzinës.

Nga 227 lekë për litër që ishte, nafta do të shitet me 223 lekë, ndërsa benzina nga 210 lekë për litër, do të shitet me 209 lekë deri në vendimin e ardhshëm. Çmimi i gazit mbetet i pandryshuar, në vlerën 74 lekë për litër

Çmimet e reja do të hyjnë në fuqi nga nesër ora 12.00 dhe do të jenë të vlefshme deri në mbledhjen e ardhshme të bordit.

"Vendimet e Bordit të Transparencës në datë 12 Nëntor 2022 kanë ndryshime të çmimit nga ai i përcaktuar në mbledhjen e fundit.  
Referuar të dhënave lidhur me bursën Platts të datës 11.11.2022, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 979, + 22 nga data 11.11.2022, $/ Ton, ndërsa çmimi i Gazoilit/Diesel është 1028, +5 nga data 11.11.2022, $/Ton. Kursi i këmbimit i BSH ka pësuar një ulje në 114.38 (- 3.65 nga data 11.11.2022).

Si rrjedhojë çmimet e vendosura janë : Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 223 lekë/litri, ndërsa i shitjes me shumicë jo më shumë se 211 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 209 lekë/litri, ndërsa i shitjes me shumicë jo më shumë se 197 lekë/litër.
Çmimi i shitjes me pakicë i nënproduktit gaz, të jetë 74 lekë/litri me pakicë dhe i shitjes me shumicë 62 lekë/litër për automjetet.
Çmimi i gazoilit për peshkim është vendosur  130 lekë/litër. Çmimet e caktuara nga Bordi do të hynë në fuqi në datë 13 Nëntor, ora 12.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes", thuhet në njoftim. 

Bordi ka sqaruar se jo çdo lëvizje e bursës së naftës bruto reflektohet në të njëjtën kohë me ndryshimin e çmimeve edhe në vendin tonë.

“Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve. Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës”, përfundon njoftimi.

Ky reagim vjen pas akuzave të opozitës, që kërkojnë shkrirjen e Bordit, me akuzat se po mbron oligarkët dhe jo interesin e qytetarëve.

B.K./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça