Kryetari i Grupit Parlamentar të PD Gazment Bardhi, Kryetarja e Komisionit për të Drejtat e Njeriut Jorida Tabaku, dhe deputeti Klevis Balliu, po zhvillojmë një vizitë zyrtare në Berlin, ku janë takuar me deputetin e Bundestagut Knut Abraham.

Sipas Bardhit, ai është një njohës i mirë i Shqipërisë dhe një nga zërat më mbështetës të integrimit të vendit tonë në BE.

Gjatë takimit, Bardhi ka deklaruar se deputetët e PD-së kanë theksuar se standardet europiane nuk janë çështje fjalësh, por janë çështje veprash.

“Dhe këtu kemi problem serioz. Qeveria dhe PS në Shqipëri po pengojnë drejtësinë dhe po i japin mbrojtje politike me votë korrupsionit. Kjo po dëmton besueshmërinë e vendit dhe po e mban peng procesin e integrimit”, janë shprehur deputetët e PD.

“Takim në Berlin me deputetin e Bundestagut, Knut Abraham. Folëm hapur për procesin e integrimit europian dhe ku ndodhet realisht Shqipëria sot. E vërteta është që standardet europiane nuk janë çështje fjalësh, por janë çështje veprash. Dhe këtu kemi problem serioz. Qeveria dhe PS në Shqipëri po pengojnë drejtësinë dhe po i japin mbrojtje politike me votë korrupsionit. Kjo po dëmton besueshmërinë e vendit dhe po e mban peng procesin e integrimit europian. Prandaj, mesazhi ynë në Berlin është i qartë: Shqipërisë i duhet ndryshimi: zgjedhje të lira dhe një qeveri që punon për Europën, jo kundër saj!”, ka shkruar Bardhi në rrjetet sociale për takimin.

Po ashtu, Bardhi ka bërë edhe një deklaratë nga Berlini për takimet që po zhvillon në krye të delegacionit të opozitës shqiptare në Bundestag dhe në qeverinë federale gjermane.

Bardhi theksoi se Shqipërisë i duhet një qeveri e përgjegjshme që garanton standardet europiane dhe e çon përpara procesin e integrimit, i penguar sipas tij, nga aktet e PS në mbrojtje të korrupsionit dhe pengimit të drejtësisë.


Lajmi kryesor:

Vizita në Gjermani/ PD: Kuvendi na përjashtoi qëllimisht nga delegacioni! Peleshi: Opozita nuk është vetëm Partia Demokratike