Një delegacion nga Policia e Shtetit shqiptar bëri një vizitë në Uashington, në zyrat qendrore të DEA-s dhe të ICITAP-it, ku u takua me zv/drejtorin e DEA-s, George Papadopoulos, shefin e Operacioneve William Kimbell dhe shefin e Zyrës Rajonale John Livanis.
Drejtori i Kabinetit në DPPSH, Genc Merepeza, i përcolli zotit Papadopoulos, përshëndetjet e Drejtorit të Përgjithshëm të Policisë së Shtetit Drejtues Madhor Muhamet Rrumbullaku, duke i shprehur keqardhjen për pamundësinë për të marrë pjesë në këtë takim. Shefi i Sektorit për Hetimin e Grupeve Kriminale, Drejtues Dorian Muça, bëri një prezantim të luftës së përbashkët kundër trafikimit të lëndëve narkotike dhe grupeve kriminale që merren me këtë trafik.
Në përfundim, Papadopoulos u dakordësua me kërkesat e delegacionit shqiptar, për hapjen e zyrës së DEA-s në Tiranë, për shtyrjen e afatit të përfaqësueses së DEA-s në Tiranë, si dhe për aktivizimin e numrit jeshil, i cili u aktivizua një ditë pas këtij takimi. Lidhur me ndërmjetësimin e tri marrëveshjeve me Meksikën, Kolumbinë dhe Ekuadorin, Papadopoulos e mirëpriti dhe ngarkoi Livanis, që të bëjë ndërmjetësim për t’i dhënë jetë këtyre marrëveshjeve.
Takimi u zhvillua në një atmosferë mirëkuptimi dhe sinqeriteti dhe Papadopoulos iu përgjigj pozitivisht ftesës së bërë nga Drejtori i Përgjithshëm, për të vizituar Policinë e Shtetit.
Në takimin në zyrat qendrore të ICITAP-it, delegacioni u prit nga Drejtori Ducot. Gjatë këtij takimi u vlerësua bashkëpunimi disavjeçar i PSH me ICITAP, në disa fusha në mbështetje të Policisë së Shtetit, ku u theksua se PSH dhe ICITAP janë partnerë të besueshëm dhe bashkëpunimi do të thellohet më tej. Ducot vlerësoi rolin e Drejtorit të Përgjithshëm të Policisë së Shtetit, në drejtim të rritjes së bashkëpunimit dhe forcimit të besimit mes palëve.
Në vazhdim u diskutua me grupin e FLETC, për trajnimet që ata ofrojnë dhe për ndihmesën në akreditimin e shkollës bazë të Policisë. Gjithashtu u mirëpritën trajnimet për hetuesit që do të dalin nga shkolla bazë.
“Eshtë mirë që Parullulla e Përgjithshme të bëjë dhe veprimet e para në vendngjarje”, - tha Arturo Venegas.
Në takimin me përfaqësuesit e EMPOWER, u diskutua puna e bërë dhe vazhdimësia në mbështetjen për shoqatën e grave në Polici, deri në krijimin përfundimtar të saj. U theksua mbështetja që DPPSH ka dhënë në takimet e mëparshme, për këtë shoqatë.
Lidhur me mbështetjen për IPSH dhe Policinë shqiptare, Britany Graham tha se do ta vazhdojnë mbështetjen për njohjen e drogave të reja, sepse janë të surprizuar nga serioziteti i bashkëpunimit dhe i luftës së përbashkët kundër drogave, sidomos atyre sintetike.
Gjatë ditëve të qëndrimit, delegacioni shqiptar takoi dhe përfaqësuesen e INL Ellen Alegranti, të cilës i bënë një përmbledhje të ecurisë së punës për Programin PRIMS dhe kërkesën për mbështetje për implementimin e ketij programi në PSH.
Alegranti tha: “Jemi informuar për punën që po bëni, nga ambasada e SHBA-së në Tiranë. E vlerësojmë punën e bërë dhe bashkëpunimin tuaj me INL dhe ICITAP. Nga ana jonë shohim seriozitet dhe vendosmëri në zbatimin e këtij programi nga PSH. Bazuar në këto elemente, jam informuar se është parashikuar financimi dhe do të kalojë për miratim. Jemi dakord që në zbatimin e këtij projekti, që po hartohet nga INL, në Tiranë dhe PSH, të kemi një kompani që e ka zbatuar më parë në Kosovë, me qëllim që të mos humbim kohë në tenderime”.
Në përfundim të vizitës, delegacioni u takua me një përfaqësues të Shoqatës Shqiptaro-Amerikane të Policisë, të cilit iu përcollën përshëndetjet e Drejtorit të Përgjithshëm, për Shametin dhe për gjithë shoqatën.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
