VLORË- Përmbytjet në Vlorë kanë lënë pas shkatërrim të madh e dëshpërim te banorët e qytetit bregdetar. Uji, i pamëshirshëm, vërshoi dje në rrugët e qytetit, duke u futur në çdo cep, pa kursyer as shtëpi, as biznese. Humbje e mundit të shumë viteve dhe sakrificës së e biznesmenëve dhe banorëve, të cilët me dëshpërim thonë se përballen me këtë fat çdo vit.
Dëmi më i madh përllogaritet për bizneset, ndonëse ende nuk ka një bilanc. Fotaq Veneti, një farmacist nga Vlora, përshkruan me dhimbje dëmin e madh që i është shkaktuar biznesit të tij, në rreth 100 mijë euro. "Niveli i ujit arriti rreth gjysmë metri brenda farmacisë. Humbja ime mund të jetë rreth 100 mijë euro", thotë ai, ndërsa rrëfen momentet e frikës kur ishte i mbyllur brenda, pa mundur të dalë.
“Kam farmaci. Një dëm shumë i madh, s’mund të them një vlerë fikse por diku tek 100 mijë euro produkte farmaceutike. Qepeni ka qenë i mbyllur për të penguar pjesën e përmbytjes, por duke ditur që ngelëm brenda kemi telefonuar për të dalë jashtë se situata arriti deri në 50 cm ujë brenda. Kemi qëndruar 2 orë brenda. Janë pothuajse 20-50 biznese gjithë kjo rrugë. Kjo është hera e disatë, si një katastrofë”, tha Fotaq Veneti, pronar i një farmacie.
Një tjetër dëshmi që sjell Report Tv, është ajo e Përparim Çelajt, pronarit të një marketi, i cili tregon për dëmin e pësuar që arrin në 5 milionë lekë të vjetra. Ashtu si shumë të tjerë, ai thotë se është dëshmitar i përmbytjeve që ndodhin çdo dimër, duke u përballur me të njëjtën sfidë pa asnjë ndihmë. "U bllokova në dyqan, nuk dilja dot," thotë ai, duke përshkruar prurjet e mëdha të ujit që e lanë të izoluar në dyqan.
“Gati 5 mln lekë të vjetra dëm, shumë keq situata. Ndodh vit për vit këtu. Hall i madh. U bllokova në dyqan nuk dilja dot. Ishin prurje të mëdha”, tha Përparim Celaj, pronar i një marketi.
Dhembja pasqyrohet edhe në fjalët e Fatjon Ruçit, pronarit të një lokali, i cili dëshmon se ka humbur më shumë se 20 milionë lekë nga përmbytjet e përsëritura.
“Dimër për dimër, këtu bëhet det. Jemi të detyruar ta rregullojmë çdo gjë nga vetja. Shteti nuk merr masa. Dëmi mund të jetë 1 milionë lek për pastrime, lyerje minimumi. Po jemi përmbytur nga 20 herë, më kanë vajtur 20 mln lekë, askush s’do t’ia dijë”, thotë ai, me një ndjenjë të thellë zhgënjimi.
Autoritetet vendore pritet të nisin punën për të bërë një bilanc të dëmeve të shkaktuar në gjithë Vlorën për shkak të përmbytjeve, që goditën qytetin bregdetar më 4 tetor si asnjëherë më parë.
Pronarja e një salloni bukurie, tregon për Report Tv dëmet që i janë shkaktuar në biznesin e saj në Vlorë, pranë rrugës Transballkanike. Prej 15 vitesh me një sallon të vogël bukurie, pronarja tregon se tashmë uji i ka shkatërruar çdo gjë. Për gazetarin Sokol Dema, pronarja thotë se emergjencat nuk iu përgjigjën në celular, ndërsa tregon gjithçka ndodhi shumë shpejt.
"Kam një sallon bukurie, u futëm brenda pas rreth 12 orësh. Ishte i paparashikueshëm ky dëm, çdo gjë totalisht e mbytur. Çdo material i mundshëm, qoftë nga ana profesionale, që janë tharëse, materialet e drurit, kolltukë. Kam mbi 15 vite që e kam si biznes, gjithmonë kemi këtë problem sa herë fillon vjeshta ose dimri. Gjithë bizneset këtu janë përmbytur komplet, ndodhi në shumë pak kohë, nuk kishim kohë as të hiqnim gjërat. Uji erdhi shumë shpejt. Kemi marrë emergjencën, nuk na përgjigjet njeri. Nuk e di pse kësaj radhe është kaq problematike. Janë mbi 60 biznese këtu. Të marrë masa bashkia, është dëm i madh ekonomik. Të na ndihmojnë, taksat i duan, çdo detyrim nuk na lenë, pse të mos na ndihmojnë", tregon ajo.
Reshjet e dendura të shiut në Vlorë jo vetëm përmbytën rrugë edhe shtëpi, por gjithashtu dëmtuan edhe shumë biznese.
Pronari i një dyqani ushqimesh tregon për gazetarin e Report Tv se biznesi i tij ka pësuar dëme të konsiderueshme.
Siç duket edhe nga pamjet e siguruara dyqani është akoma nën ujë. Madje pronari thotë se dëmi shkon deri në 5-6 milionë. Po ashtu ai thekson se nuk i ka shkuar asnjë njeri tjetër përveç gazetarit tonë Sokol Dema.
“Kam frigoriferët, kanë dalë jashtë loje, plus materialet e tjera. Dëmi shkon tek 5-6 milionë lekë të vjetra. Ca mundëm e lëvizëm, kaq sa arritëm. Ka ndodhur para 6-7 vitesh e njëjta situatë. S’kanë punuar hidrovorët. Mund të jenë 20-30 biznese në këtë zonë. Ti je i pari që vjen, asnjë s’ka ardhur”, thënë pronari i dyqanit për Report Tv.
Komente
Lajme të tjera
-
Vlorë/ Atentati ndaj Kevin Hajrullës, po kalonte rastësisht, flet i plagosuri tjetër: U shtriva përtokë, mendova se ishin fishekzjarre
20 Dhjetor, 15:30
-
Mot me shi, ndalohet lundrimi i peshkarexhave në Vlorë! Vijon normalisht për tragetet
20 Dhjetor, 10:29 -
Vlora, vendi i parë Neandertalian në Shqipëri! Zbulohen pjesë veglash guri që datojnë mbi 40 mijë vjet më parë
20 Dhjetor, 08:05 -
Atentati ndaj kushëririt të Inez Hajrullës, i riu rëndë te Trauma! U qëllua me 50 plumba, autorët lëvizën me targa italiane të vjedhura (VIDEO)
19 Dhjetor, 07:50 -
Vlorë/ Atentat ndaj kushëririt të Inez Hajrullës, 30 vjeçari rëndë në spital! Plagoset dhe një kalimtar, tregtar fruta perimesh! Autorët djegin makinën në Panaja (VIDEO + EMRAT)
18 Dhjetor, 21:50
-
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Bashkia e Vlorës zhvendos tregun e gjësë së gjallë, tregtarët bëjnë rezistencë: S’vjen njeri të blejë kaposhë në Nartë se është larg
18 Dhjetor, 17:08
-
Shpërndanin drogë në Sarandë e Delvinë, “Arrest në burg” për 12 persona
18 Dhjetor, 17:02
-
I dënuar me 21 vite burg në Itali për trafik droge, konfiskohen dy resorte në Sarandë të Emiljan Burbës! Vlera rreth 3 mln euro (VENDIMI)
18 Dhjetor, 10:04 -
Arrestohet hajduti i biçikletave në Vlorë, momenti kur kryen një nga grabitjet
17 Dhjetor, 12:00 -
I vuri tritol lokalit ‘The Boss’ në Lungomare, Gjykata e Vlorës lë në burg 28-vjeçarin! Selamaj zgjedh heshtjen (VENDIMI)
16 Dhjetor, 15:38 -
Vlorë/ Rekrutonin shtetas të huaj për aktivitet kriminal, Gjykata lë në qeli ukrainasin dhe bjellorusin, liron 2 të tjerët për mungesë provash (EMRAT+VENDIMI)
16 Dhjetor, 15:20
E disata here qe u ndodh e nuk nxorret mesim?! Siguroni ambientet dhe mallin dhe merrni masa si minipompa per heqje uji,thase me rere qe t'i vini para dyerve te dyqaneve,sic vepron gjithe bota per kesi rastesh.Shteti duhet te beje me shume per pastrimin e rrugeve,kanaleve,por dhe duhet te dije si te paralajmeroje banoret per kategorine e stuhive e t'ju sugjeroje masa mbrojtese parandaluese.Shteti nuk mund te dale e te mjaftohet vetem me nje/do te kete stuhi,rreshje te dendura,kini kujdes!/,sepse shumica e njerezve e mendojne qe do te jete vetem nje cerre,nje rrebesh i shkurter qe do zgjase nje gjysem ore deri dy ore dhe kaq,por nuk e mendojne qe ka dhe me keq,dhe nga ana tjeter,njerezit,sidomos ketyre qe permbytjet u jane bere rutine,nuk mund te vazhdojne me mendesine se shteti leshon /mana/ nga qielli sa here keta permbyten!
PërgjigjuTe parat ne qytet behen kanalizimet,, pastaj behen ndertesat....keshtu behen ne gjermani.....
PërgjigjuKESHTU ESHTE KUR VOTON PERHERE EDI RAMEN,, JUA BERI MUTIN TANI MU NE KOKE.....votoni partite e reja.....
Përgjigjupo ndoshta te ka zene ndonje mallkim i tipit tu befshin leket ilace, e ti marte lumi i vlores. mos u merzit se leke kontrabande i ke po he ...
PërgjigjuSiguroje biznesin si në eu, që është e detyrushme të sigurosh shtëpinë biznesin makinen e të gjitha, a do të hyni në eu, zbatoni rregullat, shteti ska pse të paguaj juve nga taksat.
PërgjigjuBesoj se kur te mbaroj hetimi popullor, fajin do ta ket ose edi rama ose sali berisha! Varet ke do pyesesh demokrat apo socialist
PërgjigjuSkagje se leket e Yllit jane qe i ka fituar...
PërgjigjuPo ca shteti o vella, taksat tona do shkojne per biznesin tend??? Siguroje biznesin ate bej.
PërgjigjuKane lungomare po skan kanalizime, kane bypass po skan kanalizime, kane dhe pedonale po prap skane kanalizime, do ken dhe nje marine lluksi por prap dhe atehere sdo ken kanalizime...... Vlora
PërgjigjuPo shteti prandaj duhet o patronazhiste që të kontrolloj. Por e kemi mjellaxhi kryetarin. I zoti për fasada e për aktivizim patronazhistësh. Qentë le të lehin karvani të eci përpara
Po mor po Vlora , ndertoni vend dhe pa vend ,zamponi token , prishni kanalizimet dhe kerkoni nga shteti , he derman bej siguracionin ,