Demi optimist për barazimin e Partizanit, trajneri Lerda: Me pak fat mund të kishim fituar

Partizani ka bërë një paraqitje mbi pritshmëritë në ndeshjen e parë eliminatore të ‘Champions League’ kundër Qarabag, duke lënë të hapur çështjen e kualifikimit në ndeshjen e kthimit. Në ‘Selman Stërmasi’ pavarësisht shtyllave të të dy ekipeve, takimi u mbyll me shifrat 0-0, por ajo që bëri më shumë përshtypje ishte rrjedhshmëria në lojë e të kuqve të drejtuar nga Franco Lerda.

Optimizmi pas kësaj sfide të kuqve ishte i dukshëm dhe kjo vëret edhe te presidenti i Partizanit Gazmend Demi.

“Ishte ndeshje e bukur, ata janë ekip I fortë. Ne patim rastin tonë, por nuk e bënë. Gjithsesi, rezultat I mirë. Tani rritemi edhe në koeficent, me këto rezultate. Kualifikim? Loja është e hapur, nuk ka ndodhur ndonjë gjë e madhe. E mbani mend Ferencvaroshin, na bëri gol këtu, I bëmë gol atje. Trajneri? Ka ende kohë për të folur për trajnerin. Por, mirë ishte.”

Ndërkohë trajneri Lerda shkoi më tej duke thënë:

“Me pak fat mund të fitonim. E kishim përgatitur ndeshjen ashtu siç e interpretuan djemtë. Kanë qenë shumë të zotë. Ne goditëm një traversë me Belicën. Patëm edhe 2 raste me Cinarin. Ata e mbajtën më shumë topin, por rastet më të mira i kishim ne. Do të shpresojmë te një rezultat pozitiv në Baku.”

Trajneri i azerbajxhansave, Qurban Qurbanov, për sfidën deklaroi:

“Ishte një ndeshje shumë e vështirë, Partizani luajti shumë mirë në mbrojtje. Ne nuk bëmë atë që duhej, por rezultati 0-0 do të thotë që gjithçka do vendoset në ndeshjen e kthimit. Ajo që më bëri poërshtypje ishte se Partizani kishte lojtarë shumë të shpejtë që na zinin në kundërsulm.”

Ndeshja e kthimit mes Qarabag dhe Partizanit do të luhet në Azerbajxhan me datë 17 korrik.

Ne.k./Shqiptarja.com

TAG:
• partizani
• gaz demi
• Franco Lerda