Demokratët e Shkodrës mbyllin përzgjedhjen e kandidatëve! Ja emrat e propozuar, mes tyre dhe Jozefina Topalli

Demokratët e Shkodrës mbyllin përzgjedhjen e kandidatëve! Ja emrat e propozuar, mes tyre dhe Jozefina Topalli

Partia Demokratike e Shkodrës ka përmbyllur procesin e përzgjedhjes se kandidaturave për deputetë në kuadër të udhëzimit nr.60 të PDSH ku anëtarësia ka propozuar emrat që pritet të jenë në listat e kandidatëve për deputetë në Qarkun e Shkodrës në zgjedhjet e ardhshme parlamentare.

Burime për Report TV bëjnë me dije se nga 38 grupseksione që ka PD e Shkodrës, janë rreth 100 emra të cilat do ti dërgohen si propozime Kryesisë së PD në Tiranë e cila me pas do të sjellë edhe listën me emra e cila do të votohet me parimin një anëtarë një votë.

Megjithatë, duke iu referuar propozimeve të grupseksioneve të PD-së së Shkodrës, emrat më të propozuar janë Bardh Spahia, I cili është propozuar në 34 grupseksione nga 38 që ka në total PD e Shkodrës, duke vijuar më pas me emrin e kryebashkiakes Voltana Ademi, e cila është përmendur edhe si kandidaturë për zgjedhjet vendorë për të vijuar të drejtojë Shkodrën, ndërkohe që në listën e emrave më shumë të propozuar, është edhe Greta Bardeli, N/Kryetare e PD Shkodër, si dhe ish Kryetarja e Qarkut të Shkodrës.

Ndërkohë në listën e të propozuarve nuk mungojnë as ish deputetët, Romeo Gurakuqi dhe Lorenc Luka. Duke iu referuar të njëjtave burime mësohet se në listën e emrave të propozuar është edhe Kryetari Forumit Rinor të PD Arvid Bushati, Izmira Ulqinaku dhe Benardeta Syku.

Këto janë vetëm disa nga emrat e propozuar, ndërkohe që lista vijon me emra të tjerë të njohur të PD në vite, mes te cilëve ish Kryeparlamentarja Jozefina Topalli, Xhemal Bushati dhe Astrit Bushati, ndërkohë që lista e gjatë me 100 emra plotësohet edhe nga emra nga fusha akademike dhe intelektualë të qytetit të Shkodrës.

Megjithatë kjo listë do të përpunohet nga Kryesia e PD në Tiranë, ndërkohë  që të gjithë ato që duan të jenë pjesë e listës do të duhet të plotësojnë formularin tip të detajuar nga PDSH, në të cilin do jetë një filtër për të përshkruar jo vetëm angazhimin në strukturat e PD por edhe aktivitetin personal.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hoho: 20/07/2020 13:11

    Ku eshte lista e plote?

    Përgjigju
  • Lush berbali: 20/07/2020 09:59

    Perse thua mediokritet ti,scutari ? Keta te gjithe dine te lexojne ...ndonjeri edhe me rrokje.

    Përgjigju
  • raul: 20/07/2020 09:56

    Kjo Voltana nuk mund te jete me ne lista se ka marre pjese aktive ne djeg'jen e shkolles ku ishin materialet zgjedhore te zgjedhjeve 2019 lokale dhe ka penguar realizimin e procesit zgjedhor keshtu qe eshte nje figure e djegur ne shkoder.

    Përgjigju
    • Lush berbali: 20/07/2020 15:44

      Per kete arsye do te jete me e votuara.

  • Scutari: 20/07/2020 08:53

    Bravo Shkodra!! Ne vend te pare si gjithmone ...per mediokritet!!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet