POP 5

Lajmet më të lexuara të 5 minutave të fundit

Politikë

Demokratët ende pa drejtues politikë në 12 qarqe, kreu i PD Vlorë: Leskaj në krye të fushatës na motivoi! Goditja më e fortë për Ramën nga vlonjatët

Partia Demokratike ende nuk i ka zyrtarizuar drejtuesit politikë në 12 Qarqet e vendit, ndërsa Vlora është i pari qark ku drejtuesi politik, Bujar Leskaj tashmë është prezantuar me strukturat. Kreu i PD së Vlorës, Genci Deromema thotë për Report Tv se ky hap ka motivuar strukturat, ndërsa zbulon edhe porositë e para të Leskajt për anëtarësinë.

Teksa na ndajnë vetëm 157 ditë nga data kur qytetarët shqiptarë do t’i drejtohen kutive të votimit për të përzgjedhur përfaqësuesit e tyre në parlament dhe forcën politike që do t’i drejtojë për 4 vitet e ardhshme, Partia Demokratike ende nuk i ka zyrtarizuar të gjithë drejtuesit politikë në të 12 qarqet e vendit.

E ndërsa Lulzim Basha kërkon ende kohë për të marrë vendimin se kush do të drejtojë fushatën në disa prej qarqeve të vendit, demokratët e Vlorës kanë nisur punën me Bujar Leskajn në krye.

Kreu i PD në Vlorë, Genci Deromemaj thotë se anëtarësia është  në këmbë për fushatën elektorale, por emërimi i drejtuesit politik të qarkut, i ka motivuar më tepër strukturat blu.

“Ardhja e drejtuesit të ri politik të Qarkut të Vlorës, i ka dhënë një shtysë më shumë angazhimeve të Strukturës së Partisë Demokratike në këtë qark, në kuadrin edhe të fushatës së 25 prillit, gjithë struktura e PD është në këmbë, në takimin me qytetarët”, tha për Report Tv Deromema.

Deklarata e disa ditëve më parë e kreut të qeverisë, i cili nga Vlora ironizoi pëzgjedhjen e Leskajt nga kryedemokrati Basha në krye të këtij qarku, nuk e shqetëson Deromemën. Ai e vlerëson figurën e Bujar Leskajt si të duhurin për të maksimalizuar votën.

“Vendosja e Bujar Leskaj drejtues politik në Vlorë është një vendim i mirëmenduar dhe mirëgjykuar nga kryetari i PD, Lulzim Basha. Leskaj është figurë shumë energjike, me një të shkuar do thoja të shkëlqyer në politikën shqiptare, një vlonjat i cili do të na ndihmojë në përpjekjet drejt fitores së PD dhe të gjithë shqiptarëve më 25 prill.”, shprehet Genc Deromema. 

Për Report Tv, kreu i Partisë Demokratike të Vlorës, zbulon edhe porositë e para të Leskajt si drejtues qarku. 

“Në prezantimin disa ditë më parë të Leskajt me strukturat e PD vendosëm disa strategji, pritshmëri, pikat e fushatës së ardhshme. Do të jetë një fushatë e ashpër do thoja, duke patur parasysh që kundërshari ynë politik nuk po lë gur pa lëvizur për të arritur qëllimet e veta”, shprehet kreu i PD Vlorë.

Deromema thotë se 25 prilli do të jetë një sfidë e vështirë, por edhe një ditë gjykimi për Qeverinë Rama.

“Një goditje shumë të rëndë kësaj qeverie, këtij kryeministri do t’ia japë qyteti i Vlorës, vlonjatët, për gjithçka ka bërë dhe nuk ka bërë”, paralajmëron Deromema.

Për të, as vendimi i komitetit të Ekspertëve për të ndaluar tubimet nuk do të zbehë angazhimin e strukturave të demokratëve për arritjen e fitores.

 

VIDEO/ Intervista e plote

er.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • I biri i babajt: 23/01/2021 02:37

    Ky eshte per gjynaf mo. ket do bente kryetar bashkie basha 4 vite me pare. me rafte pika me rafte. ky vec per sekretar dhome te Leskat bon.

    Përgjigju
  • Drashovica: 19/11/2020 21:05

    Leskaj.. o lele gozhda mollokopin do marri,, ky njeri është shumë shumë i pasur është pasuruar me funksionet që ka pasur në shtet që nga drejtor I doganës e deri në klsh vetëm vith.

    Përgjigju
    • lecka e bexga: 23/01/2021 02:25

      i vetmi zyrtar qe ne 8 vjet pushtet Edi Rama se takoj nje here as rastesisht pasi e dinte cllum eshte piraneci. E quajti Lecke ne Vlore.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01