TIRANE- Ministria e financave ka bërë publikë emrat e 362 trashëgimtarëve të të përndjekurve të cilët nuk kanë tërhequr këstin e parë të dëmshpërblimit. Ndërsa fton të gjithë trashëgimtarët e parë dhe të dytë të bëjnë veprimet e nevojshme për tërheqjen e kësit, Drejtoria e Pagesave dhë Dëmshpërblimeve shpjegon edhe dokumentacionin që duhet të paraqesin të interesuarit.

“Të gjithë trashëgimtarët e ish të dënuarit duhet të sigurohen pranë bankës në të cilën kanë hapur llogarinë, që llogaria e tyre është aktive. Në rast se llogaria nuk është aktive, shuma e dëmshpërblimit kthehet mbrapsht në buxhet duke sjellë vonesa dhe ndërlikime të panevojshme”, thekson Drejtoria e Pagesave dhë Dëmshpërblimeve.