TIRANE- Drejtoria e Pagesave dhe Dëmshpërblimeve pranë Ministrisë së Financave ka bërë publike emrat e 271 të përndjekurve të cilëve u është miratuar dëmshpërblimi financiar, por që nuk mund t’u kalohen shumat për shkak të mungesave në dokumentacion. Të përndjekurit në fjalë i takojnë kategorisë së cilës u është miratuar së fundi e drejta e dëmshpërblimit dhe nuk kanë marrë ende këstin e tij të pare. “Pagesa do të kryhet për të gjithë trashëgimtarët e ish të dënuarit politik.  Trashëgimtarët duhet të dorëzojnë dokumentet e kërkuara  sipas dispozitave  ligjore në fuqi”, thekson Ministria e financave.