POP 5

Lajmet më të lexuara të 5 minutave të fundit

Kronikë

Dëmshpërblimi, 504 të përndjekurit
që marrin këstin

Ministria e Financave jep këstin e parë dhe këstin e dytë për një numër ish-të përndjekurish, duke intensifikuar pagesat për këtë kategori në prag të zgjedhjeve parlamentare.
TIRANE - Ministria e Financave ka paguar dje dëmshpërmblime për një numër ish-të përndjekurish. Lista e mëposhtme tregon emrat e 504 përfituesve. 2005-a është viti i parë në të cilin fondet për “ish-të përndjekurit politikë” dalin si zë mënjanë në buxhet.

Gjatë këtij viti, shuma e parashikuar ishte 260 milionë lekë apo rreth 0.028% e PBB-së. 2008-a ishte viti i cili shënon një rritje të theksuar të fondeve, duke shkuar në rreth 0.1% të PBB-së. Viti 2009 vijon këtë rritje, me dyfishim të mëtejshëm të fondeve duke arritur në vlerën 2 miliardë lekë apo 0.173% të PBB-së.

Pas këtij momenti, vihet re një konstante në nivelin e buxhetuar prej 2 miliardë lekësh për vitet 2010 dhe 2011, ndonëse shpenzimet totale të buxhetit ishin në rritje. Viti 2012 shënon një rënie prej 15% të financimit, duke e çuar mbështetjen për “ish-të përndjekurit politikë” në 0.122% të PBB-së, niveli më i ulët që prej vitit 2008.

Por, realizimi faktik i tyre nuk ka qenë në nivelin 100%. Kështu, realizimi faktik deri në muajin nëntor për vitin 2007, ishte 50% apo 200 milionë lekë nga 400 milionë që ishin parashikuar në fillim të vitit.

Ndërkohë, viti 2009, i cili paraqitet në pamje të parë shumë mbështetës për këtë kategori, e kishte realizimin rreth 69%. Pra, nga 3.17 miliardë që ishin fondet pas Rishikimit të Buxhetit, realizimi faktik ishte vetëm 2.2 milardë.

Realizimi i ulët për këtë zë karakterizon edhe vitet e mëtejshme. Nga 2 miliardë lekë të parashikuara në Buxhetin Fillestar për vitin 2010, realizimi faktik ishte vetëm 1 miliardë lekë apo 50% e buxhetit të fillimvitit.

Pas protestave të kësaj kategorie, të zhvilluara këtë vit, duket se qeveria ka vendosur të sakrifikojë fonde të tjera për të plotësuar kërkesat e tyre para zgjedhjeve parlamentare.

Lista me emrat e 504 ish të përndjekurve politikë që përfitojnë pagesën e këstit të parë dhe të dytë

Shkrimi u botua sot në gazetën Shqiptarja.com (print) 18.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46