Dëmshpërblimi për të përndjekurit
ja 2977 emrat që presin këstin e II

TIRANE- Ministria e Financave ka nisur përpunimin e të dhënave për 2977 dosjet e ish-të dënuarve politik që kanë kërkuar dëmshpërblimin e viteve të burgut. Në faqen e internetit të Ministrisë janë renditur emrat e personave që do të përfitojnë këstin e dytë.

Ndërsa nuk është paraqitur një afat se kur do të marrin dëmshpërblimin. Gjithsesi ministria ka saktësuar procedurat që duhet të ndjekin të interesuarit për të plotësuar dosjet në rastin kur ka ndryshime nga deklarimet fillestare. Por nëse nga nisja e plotësimit të dosjes nuk ka ndryshime të të dhënave, ministria do të vijojë të veprojë me dhënien e dëmshpërblimit. Gjithsesi, publikimi i emrave në faqen zyrtare nuk do të thotë se këtyre personave u është miratuar kësti, por se janë në proces përpunimi të të dhënave dhe se do të përfshihen në dhënien e dëmshpërblimit nga fondi që ka në dispozicion ministria e Financave