Dëmtohet baza mësimore e shkollës
së Lazaratit, autorë vetë nxënësit?!

LAZARAT - Shkolla 9-vjeçare në fshatin Lazarat, është bërë pre e dhunimit nga persona ende të paidentifikuar përgjatë orëve të para të mëngjesit të së hënës, të cilët vetëm kanë shkatërruar bazën mësimore të shkollës, pa vjedhur gjë.
 
Tre klasa, magazina, si dhe laboratori i Informatikës janë shkatërruar nga këta persona, ndërsa për të verifikuar dëmet dhe gjetjen e provave që do të çonin në kapjen e autorëve është anuluar procesi mësimor në këtë shkollë.
 
Nëndrejtori i Shkollës 9-vjeçare të Lazaratit Sadik Shurdhi, shprehet për Report TV, se akti i sotëm mund të jetë vepër e disa nxënësve frekuentues të kësaj shkolle ndërkohë që qëllimi i tyre, ngelet mister.
 
Po sot persona të paidentifikuar kanë dhunuar dhe kanë grabitur shkollën 9-të vjeçare "Bedrie Bebeziqi" në Durrës. Kanë qenë mësuesit e shkollës ata që kanë konstatuar dëmtimin e ambienteve dhe mungesën e disa pajisjeve. Nga këqyrja paraprake ka rezultuar se është vjedhur një video-projektor dhe një ekspres kafeje.
 



Redaksia Online
(Gre.M/Shqiptarja.com)

TAG:
• lazarat