POP 5

Lajmet më të lexuara të 5 minutave të fundit

Dëmtuan padashje parkun, Besniku dhe Auloni nga Kosova surprizojnë me atë që bënë

Ndodh edhe kështu! Dëmtuan padashje parkun dhe dhurojnë me zemër një pemë! Besniku dhe Auloni, dy djem nga Kosova shkelën pa e ditur me makinë hapësirën e gjelbërt në Parkun e Madh të Liqenit Artificial, por nuk u larguan pa e ndrequr menjëherë gabimin. Ata kërkuan ndjesë në mënyrën më të mirë të mundshme.

Para se të largoheshin, dy djemtë vendosën që të dhurojnë një pemë, madje bashkë me punonjësit e palodhur të APR-së së Bashkisë që përkujdesen  çdo ditë për të, nuk hezituan që të punonjë edhe vetë për ta mbjellë.

Ka qenë vetë kryebashkiaku Veliaj ai që ka postuar fotot e dy të rinjve nga Kosova të cilët kanë dhënë shembullin më të bukur të qytetarisë. “Shembulli më i bukur i qytetarisë! Për një dëmtim të vogël që i bënë Parkut të Liqenit, Besniku dhe Auloni nga Kosova na dhuruan një pemë. Një ndjesë e merituar dhe një pemë më shumë për ne! Faleminderit çuna”, shkruan Veliaj në Facebook.

m.v./Shqiptarja.com
Komento