POP 5

Lajmet më të lexuara të 5 minutave të fundit

Politikë

Dënimi i Salianjit, Bardhi paralajmëron skenarë kaosi: Nuk do ketë marrëdhënie normale në Kuvend

Përpos protestës, PD pritet që të përshkallëzojë aksionin politik edhe në Kuvend. Pas mbledhjes së grupit të PD, Gazment Bardhi tha se do mbështesin vendimin e Ervin Salianjit për t’u dorëzuar në polici, pasi Apeli konfirmoi vendimin me 1 vit burg për kallëzim të rremë. Bardhi tha se ky është një vendim politik dhe opozita po burgoset me urdhrat e Ramës. Ai tha se nga ky moment, nuk do të ketë asnjë marrëdhënie normale në Kuvend.

Ne respektojmë vendimin e Salianjit, duke konfimuar që bashkë me grupin, edhe Salianji e konsideron padrejtësi vendimin politik të Apelit. Fakti që ligjërisht ai vendim është në fuqi, edhe pse efektet nuk mund t’i prodhojë ndaj mandatit të deputetit pa u mbledhur Këshilli i Mandateve, pa u lejuar të zbardhet vendimi i Gjykatës, të dimë arsyet që u ka shkruar Rama, pa i dhënë mundësi të bëjë rekurs në Gjykatë të Lartë, pa i dhënë mundësi të kërkojë pezullimin e vendimit në Gjykatën e Lartë. Grupi i PD duke respektuar qëndrimin personal dhe poltik të Salianjit, ka vendosur atë që në fakt është vendimmarrje poltike e grupit. Nga ky moment me burg pol të deputetëve të opozitës, s’ka për të pasur marrëdhënie normale institucionale me shumicën e komanduar nga Edi Rama në Kuvendin e Shqipërisë. Mbështet thirrjen e Kryesisë për të përshkallëzuar aksionin poltik duke nisur nga data 6 tetor me protestën, dhe vijimin e rezitencës dhe përballjes së bashku me qytetarët në çdo rrugë, lagje, shesh të Shqipërisë. Nuk është betejë që ne demokratët e bëjmë për partinë, por për Shqipërinë. Ish-ministrja e Jashtme vazhdon të lëvizë e lirë, Rama merr vendim poltik në Kuvend për të mos e dorëzuar para Kushtetueseses. Këto janë momente të vështira jo për PD, opozitën, por për Shqipërinë dhe çdo shqiptar.

E siguroj Ramën që me burgosjen poltike të Salioanjit, nuk tremb askënd, por na jep edhe më shumë forcë se ajo që kemi bërë deri tani është e pamjaftueshme për tu përballur me monstrën poltike që shqiptarët kanë parë gjatë këtyre viteve.

Këtë do ta shihni në ditët në vijim, ne e kemi marrë vendimin se çfarë duhet bërë. Ai parlament ka humbur misonin për të cilin shqiptarët na kanë cuar në atë sallë. Nuk na kanë cuar që deputetin e opozitës pa ligj pa prova ta çosh në burg, ndërsa atë që ke për burg ti japësh imunitet poltik me karton të kuq ndaj vendimeve të Kushtetueseses.


Lajmi kryesor:

Dënimi i Salianjit, Bardhi: I kërkuam të ngujohej, por refuzoi! Sulmon gjyqtarët si Berisha: Armiq të PD, anëtarë të organizatës kriminale! Artan Gjermeni do shkojë në burg
SI.E./Shqiptarja.com
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Arjan Hoxha nga selia blu: Rakip Suli ka dhënë leje ndërtimi në një zonë të shpallur të rrezikshme nga institucionet e shtetit, SPAK ta hetojë!

Arjan Hoxha nga selia blu: Rakip Suli ka dhënë leje ndërtimi në një zonë të shpallur të rrezikshme nga institucionet e shtetit, SPAK ta hetojë!

27 Dhjetor, 20:03