POP 5

Lajmet më të lexuara të 5 minutave të fundit

Politikë

Dënimi i Salianjit me 1 vit burg, ish-deputeti i PD, Hoxha: Drejtësia i bëri shërbim popullit dhe politikës shqiptare, rrëzoi një nga modelet më të shëmtuara!

Ish-ligjvënësi demokrat përshëndeti vendimin e drejtësisë së re, duke theksuar se “rrëzoi një nga modelet më të shëmtuara të ‘politikanit të ri’ në tranzicionin shqiptar” dhe se “drejtësia i bëri shërbim popullit”. Salianji u dënua dje me formë të prerë nga Apeli i Tiranës, për "kallëzim të rremë" për dosjen "Babale"

Dënimi i Salianjit me 1 vit burg, ish-deputeti i PD, Hoxha: Drejtësia i bëri shërbim popullit dhe politikës shqiptare, rrëzoi një nga modelet më të shëmtuara!

Fatos Hoxha, ish-deputet i PD-së

Teksa reagimet për dënimin me 1 vit burgim për kallëzim të rremë në dosjen “Babale” të deputetit Ervin Salianji vijnë nga i gjithë faktori politik dhe mediatik, nuk mungojnë edhe ish-ligjvënës të opozitës.

Mes tyre edhe ish-deputeti i Partisë Demokratike, Fatos Hoxha, i vili ka komentuar shkurt dënimin e djeshëm (26 Shtator) me formë të prerë të Apelit të Tiranës, ndaj deputetit demokrat.

Ai përshëndet vendimin e drejtësisë së re, duke theksuar se “rrëzoi një nga modelet më të shëmtuara të ‘politikanit të ri’ në tranzicionin shqiptar” dhe se “drejtësia i bëri shërbim popullit”.

“Dje, drejtësia i bëri një nga shërbimet më të mira popullit dhe politikës shqiptare. Rrëzoi një nga modelet më të shëmtuara të “politikanit të ri” në tranzicionin shqiptar”, shkruan Hoxha.

Ditën e djeshme, trupa gjykuese e Gjykatës së Apelit, me magjistratë Elona Toro, Genti Shala dhe Iliba Bezati, lanë në fuqi vendimin e Gjykatës së Tiranës, të 18 Dhjetorit 2019, e cila shpallte fajtor Salianjin për ‘kallëzim të rremë’, lidhur me për audio-përgjimin e dosjes Babale, dhe e kishte dënuar me 1 vit burg.

Aktualisht Prokuroria e Tiranës kërkon ekzekutimin e vendimit nga Policia dhe ka vënë në dijeni gjithashtu Kuvendin, teksa pas zbatimit Salianji humbet automatikisht edhe mandatin e deputetit. Izolimi do bëhet në një burg të sigurisë së zakonshme.

Postimi i Fatos Hoxhës

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Na ruajt zoti: 27/09/2024 17:01

    Paska njerëz të kthjellët e dinjitozë

    Përgjigju
  • Gentjan Lela Çafai: 27/09/2024 15:03

    Fatos Hoxha bravo tē qoft pēr karakterin e dinjitetin qē ke dhe flet realitetin. Tē till njerēz i duhen partis demokratike.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34