Një i ri shqiptar është dënuar me 10 muaj burg nga autoritetet në qytetin e Ipswich në Angli pasi iu zbulua në apartament një fabrikë droge.

Mediat britanik bëjnë të ditur se në pranga është vënë shtetasi Klodian Nikoci, i cili kultivonte me mjete të specializuara kanabis brenda dhomës së apartamentit 2+1.

I riu shqiptar u arrestua në janar në apartamentin e tij, ndërsa në momentin e arrestimit i tha policisë se po punonte për të shlyer një borxh.

Në banesën e shqiptarit policia gjeti 43 bimë narkotike, me një rendiment prej 3.6 kilogramë dhe me vlerë 36 mijë paund.

Nikoci u dënua me 10 muaj burg, por së shpejti do të ketë të drejtën e lirimit, pasi kishte vuajtur gati gjysmën e paraburgimit që nga arrestimi i tij.

Droga e sekuestruar ne banesen e shqiptarit