Deputeti socialist Erion Braçe, ka denoncuar një ngjarje të paprecedentë në rrjetet sociale. Ai thotë se dikush ka nxjerrë në shitje lulishten e vetme që ndodhet tek “1 Maji”.

Teksa ka shpërndarë një video ku duket tabela 'shitet toka', Braçe thotë se në këtë qytet çdo gjë është e paparashikueshme.

Ai thekon se ishte mirë në fshat pasi atje kishte parashikueshmëri.

“Ky qytet është alucinant, nuk ka mundësi;

Ky ka nxjerrë në shitje lulishten-shiheni!

Lulishtja e vetme tek “1 maji” dhe një nga dy lulishtet që kanë mbetur në njësine 5, ka dalë në shitje-e shet ky numri në tabelë!

Për atë zot isha mirë në fshat, atje kishte parashikueshmëri;

Këtu çdo gjë është e paparashikueshme, çasti sjell gjithçka që ti nuk e pret- shitet lulishtja, është vënë dje pasdite, në mëngjes kur kalova nuk ishte.

Doni më?

Në Njësinë 5 ka ngelur dhe lulishtja në krah të presidentit, pas saj nuk ka më!

I ftoj të gjithë banorët e lagjes dhe lagjeve rreth 1 Majit të bëjmë pelegrinazh nesër dhe ta qajmë më shumë se shiu sot! Janë të ftuara institucione dhe media”, shkruan Braçe.