Durrës- Mjekët e Spitalit të Durrësit janë vënë sërish në shënjestrën e denoncimit për neglizhencë. Këtë radhë janë mjekët e urgjencës të cilët janë akuzuar nga një qytetar që pretendon se bluzat e bardha nuk kanë kryer misionin e tyre dhe për pasojë motra e tij ka ndërruar jetë në duart e tyre.
Gazetari Artur Korriku raporton për Report TV se ngjarja ka ndodhur para 4 ditësh, ndërsa gruaja ishte gjetur buzë një kanali në zonën e Porto Romanos, e mbuluar nga balta pasi kishte konsumuar një dozë medikamentesh. Mësohet gjithashtu se ajo vuante nga çrregullimet mendore.
Viktima Ervehe Dedej
Albert Dedej, vëllai i saj thotë se pasi e kishin gjetur në kanal e kishin dërguar me urgjencë motren Ervehe Dedej në urgjencë. Ai thotë se për tre orë me radhë nuk është vizituar nga mjekët. Sipas tij, bluzat e bardha nuk u angazhuan aspak në këtë rast pasi 56-vjecarja ishte bërë pis teksa ishte rrëzuar.
“Motrën e ka gjetur një qytetar të shtrirrë në një kanal në Bisht Pallë. Telefonohem nga babai pas 2 orësh, se motra ishte në urgjencë dhe askush nuk e prekte. Kam ndejtur edhe 40 minuta të tjera deri sa I vunë një serum”,- tregon Alberti për Report Tv.
Mjekësia ligjore po punon për të mësuar shkakun e vërtetë të vdekjes së 56-vjeçares, e cila sipas të afërmve është paraqitur e helmatisur nga medikamentet që kishte gëlltitur.
Dëshmia e vëllait
Pra, po thoni se për tre orë motra juaj nuk ka marrë asnjë shërbim?
Kur vajta unë iu vu serumi. Askush nuk e prekte me dorë se ishte bërë pis me baltë e jashtëqitje. Nëna ime ju lutej më shpëtoni gocën dhe kur shkova unë ia vunë sërumin, por motra e ndërpreu në mes. Mjeku na tha nuk kemi çfarë t;i bëjmë merreni në shtëpi.
Na trego çfarë ndodhi sapo shkuat në spital?
Hyj për të takuar mjekun, ai më përgjigjet me telefon në dorë, më thoshte nuk jam unë. Ai më pasoi tek doktor Luti. Pyes për të dhe më thotë që është jashtë. E njoh dhe më njeh. I thashë bëj çfarë të mundesh. Ndërkohë që ai vjen, e sheh motrën dhe thotë se këtë nuk e shpëton as Zoti. Po si nuk e shpëton Zoti, unë e kam sjellë në spital? Mjekët vihen në lëvizje, pastaj i bëjnë një kontroll, por për 5 minuta ajo vdiq.
Denonconi mjekët për neglizhenë?
Po mjekët e urgjencës së Durrësit në atë ditë i denoncoj. Nëna ka qënë 2 orë me motrën unë 1 orë. Serumi iu vu gati tre orë më vonë. Kërkoj të zbardhet ngjarja. Janë shumë vdekje që ndodhin atje. Të ndërhyet dhe të zbardhet rasti. Do bëj denoncim edhe në polici.
Spitali i Durrësit reagon pas akuzave të Albert Dedajt, vëllai I një pacienteje që vdiq në urgjencën e spitalit të Durrësit. Pavarësisht akuzave të tij për neglizhencë mjekët thonë se i kanë dhënë ndihmën e nevojshme në kohë. Ata presin daljen e ekspertizës mjekoligjore për të nxjerrë shkaqet e vdekjes.
Duke shprehur ngushëllimet familjareve për vdekjen shtetases E. D, Drejtoria e Spitalit Rajonal Durrës sqaron se 56-vjeçarja ka ardhur në gjendje shumë të rëndë në spital (gjendje stupori), më datë 27.08. 2018, në orën 12.22, ku menjëherë ka marrë mjekimin nga stafi mjekësor dhe infermieror i urgjencës së spitalit.
Pas referimit të familjarëve se gruaja vuante nga probleme të shëndetit mendor, mjekët kanë konstatuar se gruaja kishte marrë mbidozë medikamentesh dhe pavarësisht ndihmës së menjëherëshme së ekipit mjekësor, 56-vjeçarja ka ndërruar jetë në spital.
Në spitalin e Durrësit është bërë autopsia dhe jemi në pritje të ekspetizës mjekoligjore për të konfirmuar shkakun e vdekjes së 56-vjeçares.Reagimi i spitalit të Durrësit
Lajme të tjera
-
Nxënësit e shkollës profesionale të Durrësit ndërtojnë impiante dhe makineri bujqësore, Mërkuri: Punën e kanë të sigurt
10 Maj, 15:51
-
Prokurori i Durrësit Anton Pali pezullohet nga detyra për një vit, dërgohet për riedukim
10 Maj, 12:54 -
Ekskluzive/ Zbulohet mozaiku i një pishine të lashtë nën rrënojat e ish-gjimnazit Gjergj Kastrioti! (FOTO-VIDEO)
9 Maj, 12:00
-
Droni zbulon parcelat me kanabis në Mukje të Krujës, sekuestrohen 130 bimë narkotike! 2 të arrestuar
9 Maj, 09:05 -
26 mln lekë gjobë bujkut se ndërtoi kasollen e 3 lopëve pa leje! Braçe i indinjuar denoncon rastin: A jeni në terezi?
8 Maj, 17:12 -
I dënuar për trafik droge, prokuroria e Durrësit sekuestron pasuritë e Saimir Gjepalit, pjesë e grupit të Avdylajve në Shijak
8 Maj, 10:08 -
Tragjedia në Bunë/ Alma Arrazi prehet në Durrës pranë të ëmës, përcillet mes lotësh! Djali dhe vajza varrosen në Shkodër, i ati s'lejohet të marrë pjesë
8 Maj, 09:40 -
Biznesmenit të ndërtimit iu mbushën llogaritë bankare me paund nga Anglia, i sekuestrohen bashkë me toka e makina luksoze! Adem Metkola: Ishin kapar për të ndërtuar resort në Durrës
7 Maj, 14:57 -
Basketboll meshkuj/ Teuta mposht Vllazninë në ndeshjen që zgjati 5 ditë, dërgon serinë në 2-1
7 Maj, 10:28 -
Durrës/ Ushtronin prostitucion në një pallat, në hetim 4 persona
6 Maj, 12:25 -
FOTO/ Kroçiera me turistë britanikë mbërrin në Durrës, Rama: Ogur i mirë për këtë vit turistik
5 Maj, 13:05 -
Inaugurohet godina e re e Zjarrfikëses në Kavajë, Balla: Po punohet për një program të madh asistence me donatorë të huaj
4 Maj, 17:16
