Denoncimi tjetër: Dibra detyron
policët e burgjeve të votojnë PD

 TIRANE -  Konfederata e shërbimeve policore e Shqipërisë denoncoi sot publikisht Drejtorin e Përgjithshëm të Burgjeve, Gazmend Dibra për presionin mbi punonjësit e policisë së burgjeve duke i detyruar të votojnë Partinë Demokratike.
 
”Kryeministri i dha pushtet absolut në mbledhjen me dhunë në mitingje të policëve e nëpunësve të thjeshtë në Drejtorinë e Burgjeve. Policë të trembur na kanë treguar sesi funksionon skema e listave familjare për çdo punonjës në këmbim të vendit të punës dhe sesi rekrutohet stafi i ri pa patur arsimin përkatës. Qeveria në largim  ka zgjedhur presionin e gjithanshem ndaj Policise se Burgjeve me ane te “mashes” me nr.20 që mban në mënyre të paligjshme ,“2 kunguj nën një sqetull”,  postin e drejtorit të burgjeve njëkohesisht  dhe kandidat i qeverise në zgjedhje, të dalë ditën për diell para qindra mijëra shqiptarëve duke dhënë pako në favor të votës  “44”!"- tha Valentin Macaj kryetari i kësaj konfederate.

Denoncimi vjen një ditë pasi emisioni "Fiks Fare" bëri publik një investigim ku tregohet qartë se si kandidati i PD, Gazmend Dibra manipulon qytetarët me pako ushqimesh për tu marrë votën në mes të Tiranës në lagjen "Myslym Shyri."

Dhe Macaj nënvizon se "denoncimi që emisioni Fiks Fare i bëri fenomenit,  blindon akuzën që Konfederata i ka ngritur me kohë nr.20 te listës së Tiranë dhe që më 24 Qershor do të gjejë rrugën e drejtësisë sociale e ekonomike në favor të mijëra punonjësve  në Drejtorinëe Burgjeve".


(Foto: Valentin Macaj (majtas), (djathtas) Gazmend Dibra ne investigimin e Fiks Fare)

(Redaksia online)
(sg/shqiptarja.com)