POP 5

Lajmet më të lexuara të 5 minutave të fundit

Politikë

Draft-Kodi Zgjedhor/ PS kopjon PD-në për censurë financiare ndaj medias

Partia Socialiste prek gjurmët e Partisë Demokratike duke e kopjuar në propozimin e hershëm të saj për të censuruar financiarisht median.

Partia Socialiste, një lloj si Partia Demokratike një vit më parë, propozon ndryshime në Kodin Zgjedhor për të penguar median të transmetojnë reklama të partive apo të enteve shtetërore.

Në draftin e socialistëve për reformën zgjedhore që Report TV ka siguruar, propozohet që  partitë të mos bëjnë  reklama politike kundrejt pagesës 3 muajt e fundit para datës së zgjedhjeve. Po kështu edhe institucioneve shtetërore dhe enteve publike nuk u lejohen gjatë kësaj periudhe të transmetojnë reklama të paguara apo financuara prej tyre.

Kjo tentativë për të dëmtuar financiarisht median nuk është e para. Në paktin politik të 18 majit, Rama dhe Basha ranë dakord të detyrojnë mediat të transmetojnë pa pagesë reklamat e partive.

Asokohe kjo u sanksionua në ligjin për financimin e partive politike, ndërsa kësaj radhe, socialistët kërkojnë që kjo të vendoset në Kodin Zgjedhor, një dokument më i lartë shtetëror.

Kufizime parashikohen edhe për shpenzimet në fushatë, ku shuma e shpenzuar nga një parti politike, përfshirë kandidatët e saj, nuk duhet të jetë m,ë e madhe se 2 fishi i parave që  subjekti zgjedhor ka marrë nga fondet publike për ato zgjedhje.

Për afishimin materialet zgjedhore propagandistike, kryetari i Bashkisë vendos hapësira të caktuara për të gjithë, ndërsa lejohet thyerja e këtij rregulli vetëm në një largësi prej deri 5 metrash nga zyrat elektorale. Shkelja e këtyre rregullave dënohet me gjoba të rënda.

Partia Socialiste po ashtu kërkon depolitizimin e tre niveleve të administratës zgjedhore. Në draft bie në sy zgjedhja jo më nga partitë, por me short e anëtarëve të të KZAZ-së, Komisionit të Qendrës së Votimit dhe anëtarëve të Grupeve të Numërimit të Votave.

Drafti përmban vetëm reflektimet ndaj rekomandimeve të OSBE-ODIHR, por jo kërkesat e PD për votim elektronik, edhe pse PS ka dhënë OK për testimin e tyre në zgjedhjet e ardhshme.

Në draft nuk gjendet e përkthyer as kërkesa e PS për votimin e emigrantëve.

Burime pranë Partisë Socialiste shpjeguan për Report TV se ky draft është vetëm detyrimi që Shqipëria ka ndaj organizatave ku është partnere, dhe reflekton ato që ODIHR kërkon e po ashtu ato që Komisioni Evropian ka rekomanduar.

Të njëjtat burime thonë se PS i ka gati edhe variantet për çështjet që janë në diskutim në tryezë me PD, por nuk mund t’i parashtrojë ato pa konsensusin e opozitës.

( Kliko këtu ) për draftin e plotë të Kodit Zgjedhor

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • bledi 1: 06/10/2018 11:02

    shume bukur

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Serbia i refuzon ministrit të Brendshëm të Kosovës kërkesën për vizitë në Luginën e Preshevës

Serbia i refuzon ministrit të Brendshëm të Kosovës kërkesën për vizitë në Luginën e Preshevës

25 Dhjetor, 13:52