POP 5

Lajmet më të lexuara të 5 minutave të fundit

Ekonomi

Depozitat bankare, 4% e
individëve kanë 55% të tyre

Agjencia e Sigurimit të Depozitave (ASD) duke raportuar në Kuvend për zhvillimet e vitit 2016, njoftoi  se vlera e kursimeve që përfitojnë nga skema e sigurimit, arriti në 611.4 miliardë lekë (kjo shumë zotërohet nga 96% e depozituesve), teksa totali i depozitave në sistemin bankar ishte 1.114 miliardë lekë. 
Agjencia e Sigurimit të Depozitave (ASD) duke raportuar në Kuvend për zhvillimet e vitit 2016, njoftoi  se vlera e kursimeve që përfitojnë nga skema e sigurimit, arriti në 611.4 miliardë lekë (kjo shumë zotërohet nga 96% e depozituesve), teksa totali i depozitave në sistemin bankar ishte 1.114 miliardë lekë.

Për rrjedhojë, 4 për qind e individëve depozitues zotërojnë 45 për qind të totalit të depozitave me një vlerë prej 503 miliardë lekësh. Agjencia e Sigurimit të Depozitave njoftoi se depozitat e siguruara ishin në vlerën 611.4 miliard lekë, që përbën 55% të totalit të depozitave.

Vlera e depozitave të siguruara u rrit me 18.1 miliardë lekë ose 3% krahasuar me një vit më parë. Numri i depozituesve individë që i kanë depozitat me vlerë deri në 2.5 milionë lekë është 2.395.939 (përfaqësojnë 96% të depozituesve individë që përfitojnë nga skema) dhe, krahasuar me një vit më parë, ky numër u rrit me 12%, njofton ASD.

Në 31 dhjetor 2016, vlera kontabël e fondit të sigurimit të depozitave në banka është 31.24 miliardë lekë ose 12.9% më i madh se një vit më parë. Rritja e qëndrueshme e fondit të sigurimit të depozitave në banka dhe ecuria e depozitave të siguruara në sistemin bankar kanë sjellë një rritje të vazhdueshme të raportit të mbulimit, nga 2.01% në vitin 2009, në 5.11% në fund të vitit 2016.

Raporti i mbulimit mbi 5% të depozitave të siguruara u arrit për herë të parë që nga krijimi i Agjencisë së Sigurimit të Depozitave. Realizimi i këtij objektivi, si një tregues i përfshirë në Ligjin për Sigurimin e Depozitave, është i rëndësishëm sepse dëshmon për efikasitetin e skemës për t’ju përgjigjur detyrimeve ndaj depozituesve si dhe ecurinë pozitive të fondit të sigurimit të depozitave në banka ndër vite.

Të ardhurat nga primet e sigurimit për vitin në raportim, ishin 2.99 miliard lekëë ose 3.2% më të larta se një vit më parë, në harmoni me rritjen e depozitave të siguruara në sistem. Të ardhurat nga administrimi i mjeteve financiare të fondit të sigurimit të depozitave në banka për vitin 2016 ishin 782.2 milionë lekë.

“Në përmbushje të parametrave të përcaktuar në strategjinë afatmesme dhe planit vjetor, si dhe në kushtet e uljes së ndjeshme të normave të interesit, të ardhurat e Agjencisë në total u realizuan në masën 97.4% në krahasim me planin për vitin. Shpenzimet korrente janë realizuar në masën 92% në krahasim me planin. Këto shpenzime rezultuan sa 25.7% e të ardhurave nga administrimi i mjeteve financiare dhe 5.3% e të ardhurave në total” thuhet në raportin e ASD.


dy.b/shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Hyn në fuqi strategjia afatmesme e të ardhurave, goditje nëndeklarimit të pagave! Buxheti i shtetit do të përfitojë 650 mln euro

Hyn në fuqi strategjia afatmesme e të ardhurave, goditje nëndeklarimit të pagave! Buxheti i shtetit do të përfitojë 650 mln euro

15 Janar, 20:43 nga Eliza Gjediku