Deputetët portugezë të ekstremit të djathtë presin me protesta presidentin e Brazilit: Vendi i hajdutit është në burg

Deputetët portugezë të ekstremit të djathtë presin me protesta presidentin e Brazilit: Vendi i hajdutit është në burg

Deputetët portugezë me pankarta në duar

Deputetët portugezë të ekstremit të djathtë kanë protestuar ditën e sotme kundër fjalimit të presidentit brazilian Luiz Inacio Lula da Silva në parlamentin e Portugalisë. Ligjvënësit duke mbajtur flamuj ukrainas dhe pankarta me mbishkrimin “vendi i një hajduti është në burg”.

Lula po fliste në parlament në ditën kur Portugalia përkujton 49 vjet të Revolucionit të Karafilit të vitit 1974, kur oficerët e rinj të ushtrisë përmbysën një diktaturë katër dekadash të krahut të djathtë.

Grushti i shtetit pothuajse pa viktima solli atë që për portugezët ishin risi, e drejta për të votuar, kujdesi shëndetësor universal, arsimi publik, pensionet e pleqërisë dhe të drejtat e punës.

Protestuesit mbanin pankartat e tyre, ndërsa pjesa tjetër e Parlamentit duartrokiste Lulën gjatë fjalës së tij.

Kryeparlamentari, Augusto Santos Silva, dukshëm i irrituar, ndërhyri, duke thënë se dëshira e deputetit për të qëndruar në sallë duhej të shoqërohej me mirësjellje dhe edukatë. Lula ndodhet për një vizitë pesëditore në Portugali.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit