TIRANE- Seancat plenare të ditëve të enjte për 29 gratë e politikës shqiptare është kthyer në një sfidë. Teksa 6 ministret e qeverisë vijnë të shoqëruara me makinat e tyre deri në hyrje të parlamentit, 26 deputetet e tjera nuk i kursejnë vetes disa shkrepje aparatesh fotografikë. Një ditë më parë në specialen e “Shqiptarja.com” lidhur me deklarimet e pasurive të deputeteve, shumë prej tyre deklaronin llogari të konsiderueshme parash në banka dhe prona të paluajtshme, ndërsa teksa i pyet në lidhje me shpenzimet e bëra për veshjen shumë prej tyre ankohen për pamundësi për të bërë shpenzime.