Deputeti demokrat thirrje popullit: Zgjohuni në vjeshtë, atëherë bien gjethet, të rrëzojmë edhe Ramën

Deputeti Lefter Maliqi, pjesë e opozitës së re në Kuvend nga listat e PD-së bën thirrje për rezistencë kundër kryeministrit Rama. Ai thotë se koha nuk pret, prandaj kërkon që 'në vjeshtë duhet zgjim popullor, revolucion demokratik, qëndresë e fortë. Ne vjeshte bien gjethet pemëve se bashku me to duhet të bien gjethet e Pemës së kalbur të Rilindjes se krimit. Në vjeshtë duhet të lindë shpresa, besimi për të ardhmen e demokracisë Europiane, për sundimin e ligjit dhe Kushtetutës'.

Në vitin 2017 Lefter Maliqi ishte në listat e PD si kandidat në Berat, por jo në listën fituese. Për këtë arsye, ai u largua nga PD duke kaluar me PS. Si shpërblim për rezultatin e arritur në zgjedhjet vendore në Berat shumica e emëroi zv. Drejtor të Përgjithshëm të Burgjeve, ku qëndroi për dy vite. Por pas djegies së mandateve nga opozita e vjetër, i erdhi radha në listë dhe ai pranoi që të merrte mandatin.

Postimi i plotë i deputetit Lefter Maliqi
Populli duhet te marre ne dore fatet e vendit. Socialistet e ndershem e te zhgenjyer, demokratet, qytetaret, artistet, studentet etj.Boll me paqe me qeverine e krimit, korrupsionit, oligarkeve, papunesise, droges, pasigurise. Demokracia lokale pas zgjedhjeve moniste te 30 Qershorit nuk egziston me pasi, keshillat bashkiak dhe kryetaret e bashkive jane njepartiake, demokracja e pergjithshme dhe institucionale ne rrezik pasi mbi 90% jane te kapura nga e njejta parti (Rilindja). Rama nuk njeh as ligj, as kushtetute, as dekret te Presidentit, nuk njeh as opozite pasi e ka nxjerr jashte funksionit pa perfaqesim ne parlament, pa perfaqesim ne pushtetin lokal, pa perfaqesim ne institucione.

Rama ska as frike, as turp, as moral nga protestat paqesore, as nga akuzat e shumta, as nga skandalet pasi cdo dite, jave e muaj i kane plasur skandale me krime, korrupsion, pergjime, cenim te sigurise kombetare, grabitje, vrasje, trafiqe etj etj. Vetem qesh, ironizon cdo qëndresë,cdo stres e vuajtje tuajën, dhe per te hequr vemendjen nga nje skandal, sajon skandale te tjera si prishja e teatrit, publicitete me aksione te jashtligjshme, policore etj. Rama duke varferuar popullin duke e detyruar rinine dhe eliten e vendit te emigroj, mban nen presion opoziten, shantazhon, ndalon, gjobit, arreston kedo qe e kundershton per te mbajtur pushtetin nen kontroll te plot. Vendi me krize te thelle e te rende politike, ekonomike dhe te pasigurise. Vendi drejt diktatures dhe shuarjes se shpreses per hapjen e negociatave ne 18 Tetor. Populli ne shtator te ngrihet fuqishem sepse ska me kuptim pasi Rama kerkon tju lodh, tju pakesoj, tju ironizoj.

Kjo e keqe e madhe rrezohet me revolucion qendrestar demokratik duke bllokuar institucionet e vendit, sheshet, rruget duke paralizuar gjithcka ne menyre qe vendi te kaloje ne zgjedhje te lira, te ndershme, me sistem mazhoritar te paster, me 100 zona dhe 100 deputet, ku vota e popullit te zgjedhi deputetet e vet, qeverine e vet, presidentin e vet. Nese nuk beni kete atehere ky vend po shkon i sigurt drejt diktatures me parlament, qeveri, pushtet lokal, drejtesi, polici dhe shume shpejt dhe me president vetem te Rilindjes se krimit, droges dhe korrupsionit. Koha nuk pret, ne vjeshte duhet zgjim popullor, revolucion demokratik,qendrese e fortë.Ne vjeshte bien gjethet pemëve se bashku me to duhet te bien gjethet e Pemës se kalbur te Rilindjes se krimit. Ne vjeshte duhet te lind shpresa, besimi per te ardhmen e demokracise Europiane, per sundimin e ligjit dhe kushtetutes.

TAG:
• edi rama
• zgjedhjet lokale 2019
• lefter maliqi