Partia Demokratike vijon t'i kërkojë llogari kryeministrit Edi Ramaa në lidhje me shpenzimet e tij, e veçanërisht për udhëtimet jashtë vendit.
Në një deklaratë për mediat, deputeti i PD, Kreshnik Çollaku, thotë se Rama po fsheh me propagandë udhëtimet e tij luksozë me charter privat. Çollaku i kërkon përgjigje Ramës për disa pyetje, nëse ka udhëtuar me charter në Suedi, Skoci, Liban, Itali apo Egjipt.
"Edi Rama përdori sërish të vetmen gjë që ka arritur te qeverisja e tij 8-vjeçare, propagandën për të fshehur të vërtetën për udhëtimet e tij luksoze me charter privat. Edi Rama refuzoi të japë informacion kush e pagoi qëndrimin e tij në hotelet luksoze të Mynihut ndërsa ai ndodhej atje për të pastruar imazhin e tij të nxirre nga krimi dhe korrupsioni. Luksi i shfrenuar i kryeministrit të popullit më të varfër të rajonit, dhe që nga keqqeverisja e tij rënditet ndër azilkërkuesit më të mëdhenj në botë përshkruhet më së miri nga gazetarja në intervistën e përkthyer dhe shpërndarë nga vetë zyra e kryeministrit citoj “Është e diela e parë pas Vitit të Ri. Një Porsche, tip ”Panamera GTS”, e zezë, përplaset pak në një pirg dëbore në parkingun prapa Bergsteigerdorf Kreuth. …Është Edi Rama, …..kryeministër i Shqipërisë që nga viti 2013, …Ne kemi rënë dakord të bëjmë një xhiro në Ëildbad Kreuth-in legjendar, dikur një perlë e familjes mbretërore bavareze Ëittelsbach dhe një llixhë për carët rusë dhe perandoreshat austriake. Sot, investitorët nga Gjermania dhe jashtë vendit vërshojnë me milionat e tyre… Kryeministri i një populli shumica e të cilit nuk siguron dot në këtë dimër të ftohtë, mjaftueshëm ushqim dhe ngrohje për fëmijët, shkon për një intervistë në Mynih, udhëton me Porsche e qëndron në hotele luksoze. Me paratë e kujt? A janë këto paratë e shqiptarëve? Edi Rama përdor propagandën bajate për t’u fshehur tek të vërtetën e shqiptarëve për udhëtimet e tij prej sheiku me charter privat. Në emër të shqiptarëve po e pyesim sot sërish Edi Ramën. A ke udhëtuar në Malmo të Suedisë me Charter? A ke udhëtuar drejt Sofjes, me charter? A ke udhëtuar drejt Ohrit, me charter? A ke udhëtuar drejt Bejrutit, me charter? A ke udhëtuar drejt Italisë, me charter? A ke udhëtuar drejt Kajros, me charter? A ke udhëtuar drejt Beogradit, me charter? A ke udhëtuar drejt Skocisë dhe Britanisë së Madhe, me charter? A ke udhëtuar drejt Mynihut, me charter?", thotë Çollaku.
Sipas deputetit, pavarësisht pretendimeve të Ramës se shpenzimet më të larta për udhëtime jashtë vendit janë realizuar në vitin 2014 dhe kapin vlerën 4.6 milionë lekë, pagesat nga thesari tregojnë se Këshilli i Ministrave ka shpenzuar 21.8 milionë lekë për kategorinë e shpenzimeve ‘udhëtime jashtë vendit’.
"Në përpjekje për të fshehur të vërtetat, Kryeministri ka deklaruar se shpenzimet e tij më të larta për udhëtime jashtë vendit janë realizuar në vitin 2014 dhe kapin vlerën 4.6 milionë lekë. Por pagesat nga thesari tregojnë se Këshilli i Ministrave ka shpenzuar 21.8 milionë lekë për kategorinë e shpenzimeve ‘udhëtime jashtë vendit’. Në vitin 2015, Këshilli i Ministrave ka shpenzuar 4 milionë lekë, në vitin 2016 ka shpenzuar 27.3milionë lekë, në vitin 2017 janë shpenzuar 22.7 milionë lekë, në vitin 2018 janë shpenzuar 27.8 milionë lekë dhe në vitin 2019 janë shpenzuar 32.5 milionë lekë. Pa llogaritur udhëtimet me charter të Edi Ramës gjatë vitit 2020, Këshilli i Ministrave ka shpenzuar 13.4 milionë lekë për udhëtime jashtë vendit ne vitin 2021 14.6 milionë lekë. Gjithsej 171 milionë lekë qeveria ka shpenzuar vetëm për udhëtime, pa llogaritur kostot e udhëtimeve me charter ku vetëm karburanti për një udhëtim llogaritet në 120 mijë euro. Rama është i korruptuar. Qeveria e tij është e korruptuar. Me këta në krye, Shqipëria nuk mund të ketë zhvillim. Shqiptarët duhet ta braktisin të shkuarën dhe të korruptuarit!", shton Çollaku.
Nga ana tjetër, akuzave të PD në lidhje me udhëtimet e tij me charter, Rama i është vazhdimisht në mënyrë ironike, duke theksuar se nuk ka shpenzuar 120 mijë euro karburant për udhëtime me charter, por ka udhëtuar me biletë ekonomike 345 euro me familjen e tij.
Komente
Lajme të tjera
-
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Dyrnjaja për Report TV: Njerëzit afër Berishës dhe djalit të tij marrin leje për kulla, sapo kanë marrë dhe një tjetër në Tiranë! Ai është komod në opozitë
26 Nëntor, 15:20 -
Siguria në shkolla/ Rama: Sistem monitorimi me kamera brenda klasave, prindërit mund të kenë akses! Konsultime për mbylljen e TikTok
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Protesta sot pasdite/ PD njoftoi bllokim të qarkullimit, policia i paralajmëron: Vepër penale, organizatorët do mbajnë përgjegjësi
26 Nëntor, 08:50 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29
O Kreshnik Spahiu po si ka mundësi që mereni me ngritjen e Edi Ramës jo ju ngrit shum jo ju ul shum. Po ku i ke faktet o zullumi Kreshnik. Po kur flytyron Edi Rama me çarter privat mund ta fatografoni e kto foto popullit tja tregoni. Po ju vetëm gēnjeni se fakte nuk keni. Po ju meqë jeni katandis kokoshi një thel mereni me Edi Ramën për budallalliqe e thoni që Edi shum po flytyron e juve shum po ju ofendon o Kreshniku Asgon.
Përgjigju