Deputetja e PD: Në QSUT mungesë ilaçesh e barna të skaduara

Deputetja demokrate Albana Vokshi ngriti shqetësimin e situatës së shëndetësisë në vend duke thënë se QSUT po përballet me mungesë medikamentesh e barna të skaduar.

Vokshi thotë se pacientët trajtohen në kushte çnjerëzore duke marrë kimioterapinë në karrige në salla të vogla dhe të pakondicionuara.

Deklarata e plotë

Shëndetësia falas është mashtrimi më i madh i Edi Ramës!

Pacientët jo vetëm nuk arrijnë të marrin shëndetësi falas, por nuk marrin as shërbim shëndetësor në pjesën më të madhe. Sektori I Shëndetësisë është i nënfinancuar, dhe ai buxhet shkon kryesisht në 4 koncesionet e panevojshme, abuzive e korruptivë që në total shkojnë rreth 450 mln Euro.

Pak ditë më parë thirra në dëgjesë në komisionin për Shëndetësinë për skandalin të onkologjiku, Ministren e Shëndetësisë, Drejtoreshën e QSUT dhe shefen e shërbimit të onkologjisë. Ministrja Koçiu tha: kemi arritur sukses me reformat në shëndetësi! Shëndetësia po ecën vetëm përpara! Çfarë thanë Drejtoresha e QSUT dhe shefja e shërbimeve?

E kanë pranuar pa u skuqur [a u zverdhur pa asnjë ndjesi njerëzore mungesën e medikamenteve:

– Irinotecan

– Erlotinib është në mungesë. Ka qenë donacion, por nuk ka më në gjendje! Nuk bëhet tenderi se duhet bërë pazari që të bëhet tenderi. Pacientëve ju është dhënë dozë e reduktuar cdo 10 ditë

– gencitabina është në mungesë

– jodi është më mungesë që nga janari

Kush është përgjegjës për mungesat?

Tendera të Anuluar

Kush mban përgjegjësi që edhe pas raportit të KLSH që ngrinte alarmin që vonesa e tenderimit të medikamenteve në onkologjik disa ditë sillte efekt negativ të menjëhershëm në shëndetin dhe jetën e pacientëve??

Referuar Open data Albania janë rreth 4 mln lekë tendera që nga 1 janari e deri më sot, që nuk bëhen sepse më parë duhet bërë pazari?? E nëse nuk bëhen tenderat ka mungesë… dhe askush nuk mban përgjegjësi!!!

SI.E./I.M/Shqiptarja.com

TAG:
• PD
• Albana Vokshi
• QSUT