Deputetja Xhixho thirrje qeverisë: Po shpërfillen studentët! Bursat sociale dhe të ekselencës vonohen nga 4-6 muaj

Deputetja Xhixho thirrje qeverisë: Po shpërfillen studentët! Bursat sociale dhe të ekselencës vonohen nga 4-6 muaj

Erisa Xhixho

Deputetja e Partisë së Lirisë, Erisa Xhixho kërkon që qeveria t’i japë studentëve bursat dhe pagesat që u takon të shoqëruar me dëmshpërblim. Duke qenë se nuk ishin pjesë e ‘Pakos së Madhe’ që preku pensionistët, shtresat në nevojë dhe punonjësit e administratës, Xhixho pretendon se qeveria tallet me studentët duke i zvarritur pagesën e bursave.

Sipas saj, bursat sociale dhe të ekselencës për studentët vonohen nga 4-6 muaj nga qeveria, ndonëse vlera e tyre nuk i kalon as 10 mijë lekë. Xhixho thotë se kjo është arsyeja përse të rinjtë marrin rrugët e Europës. 

“Të përjashtuar nga të gjitha paketat e rezistencës dhe pseudo “Pakoja e madhe”, qeveria vijon të tallet me studentët, duke zvarritur pagesën e bursave. Në kulmin e krizës së çmimeve, që ka dyfishuar koston e tyre të jetesës, studentëve shqiptarë nuk u jepet as ajo që me të drejtë u takon.

Bursat sociale dhe ato të ekselencës për studentët vonohen nga 4 deri në 6 muaj. Edhe pse vlera e tyre nuk i kalon 10 mijë lekë të reja, qeveria e shpërfill nevojën dhe meritën e studentëve, duke zvarritur me muaj të tërë disbursimin nga fondi i bursave. Asgjë më shumë se kjo zvarritje nuk flet për qasjen që kjo qeveri ka për arsimin dhe të rinjtë e këtij vendi. I bëj thirrje qeverisë t'i japë studentëve bursat dhe pagesën që u takon, madje me dëmshpërblimin për vonesat e shkaktuara.

Kjo është arsyeja pse çdo ditë qindra të rinj marrin rrugët e Europës, shpesh duke rrezikuar edhe jetën. Një qeveri që përbuz të rinjtë i ka ditët të numëruara”, tha Xhixho.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhixho leshlie: 27/01/2023 19:41

    T'u dogj shpirti per studentet ty moj ushtare e partise se lekut? Beni nje bamiresi si pl nga thaset qe u keni vjedhur shqiptareve, njerez te peshtire leshterike.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Panik' te Juventus, Man. United në sulm për Bremer

'Panik' te Juventus, Man. United në sulm për Bremer