Deputetja Zhupa: Të hënën tjetër duhet të zhvillohet seanca për hallet e qytetarëve, e anuluat pa njoftuar! Felaj: S'është procedurë

 

Deputetja Ina Zhupa ka kërkuar që të zhvillohet të hënën e ardhshme seanca plenare për të diskutuar hallet e qytetarëve. Zv.kryetarja e Kuvendit Ermonela Felaj ka treguar cila është arsyeja pse nuk është zhvilluar.

Ina Zhupa: Heqja është bërë në mënyrë arbitrare nga kryetarja e Kuvendit duke na thënë se disa deputetë kanë kërkuar të mos bëhet seanca është shkelje. Nuk na është vënë në dispozicion asnjë shkresë. Një sms e ardhur nga kryetari i grupi nuk përbën arsye për të anuar një seancë që flitet për çështjet e zgjedhësve. Këtu anulohen seanca dhe nuk bëhet asnjë njofton. Të vendoset që e hëna tjetër meqë s’na keni lejuar të flasim për qytetarët, të hënën tjetër të diskutohet për çështjet e zgjedhësve pasi duhet të ishte zhvilluar këtë të hënë që kaloi. Edhe kolegët socialistë mund të kenë ndonjë hall qytetarësh.

LEXO EDHE:
Kuvend/ Skandali te Onkologjiku, PD kërkon dorëheqjen e ministres së Shëndetësisë! Koçiu: Mjekët abuzues përjetë pa licencë

Ermonela Felaj: Kërkesa juaj lidhet me mosmbajtjen e seancës ditën e hënë. Kolegët deputetë janë njoftuar që s’do mbahej seanca e së hënës. Ka pasur mungesë të kolegëve se kanë qenë në aktivitete jashtë vendit. Kërkesa e dytë për një seancë nuk është procedurë. Shqetësimi ka qenë i drejtë dhe s’ka pasur asnjë arsye që nuk dihej nga kolegët deputetë.

Lajmi kryesor:

Arrestimi i nënës lehonë, opozita përplaset me mazhorancën: Të diskutohej ligji për dhunë në familje! Spiropali: Gruaja të lirohet, s'mund ta kthejmë në debat politik

/G.MO/Shqiptarja.com

TAG:
• Kuvendi i Shqiperise
• Diana Kolaveri Hoshi