POP 5

Lajmet më të lexuara të 5 minutave të fundit

Sport

Derbi i Kupës Dinamo-Partizani me 200 tifozë, Mehmeti: Meritonim më shumë! Teuta mposht Skënderbeun në një fushë të ngrirë

Trajneri i Partizanit Dritan Mehmeti ka qenë i zhgënjyer pas derbit me Dinamon për çerekfinalet e Kupës së Shqipërisë që përfundoi me shifrat 1-1. Në ‘Air Albania’ përshtypje bëri prezenca shumë e vogël e tifozëve, ndërsa Skënderbeu-Teuta u luajt me një mot të acartë në një fushë të ngrirë.

Derbi i parë çerekfinal i Kupës së Shqipërisë mes Dinamos dhe Partizanit ka përfunduar me shifrat e barabarta 1-1. Në ‘Air Albania’ të parët kaluan në avantazh të kuqtë e Mehmetit me Carën, ndërsa Ibrahimi barazoi në fundin e pjesës së parë për nëndetësen. Pas sfidës te Partizani kishte zhgënjim për rezultatin, pasi pretendojnë se meritonim më shumë.

“Jam i kënaqur me futbollistët për atë që dhanë në fushë, por jam i zhgënjyer nga rezultati sepse meritonim më tepër. Kjo do të thotë se duhet të punojmë shumë më fort,”-u shpreh Dritan Mehmeti, trajner i Partizanit.

“Në fund vuajtëm shumë për gjendjen fizike të disa lojtarëve, për shkak se kanë bashkuar vonë. Patëm momente të mira, por patëm momente shumë kur gabuam dhe mund të ishim ndëshkuar,”-deklaroi Bledi Shkëmbi, trajner i Dinamos.

Në Dinamo-Partizani ajo që ra në sy ishte numri tejet i vogël i tifozëve, rreth 200 në total, ndërsa sfida tjetër çerekfinaliste e luajtur në një mot të acartë dhe fushë të ngrirë mes Skënderbeut dhe Teutës u fitua 0-1 nga durrsakët.

“Terreni ishte i vështirë dhe nuk të lejonte të bënte lojë të rrjedhshme. Është vetëm një gjys hapi dhe kualifikimi mbetet i hapur. Kemi një tjetër ndeshje të hënën dhe shpresoj që terrni të jetë më i mirë,”-tha Renato Arapi, trajner i Teutës.

“Terreni nuk na la të perfomonim, për të dy skuadrat sepse nuk mund të flasim për taktikë. Ajo çfarë bënë dy skuadrat sot ishte afrimi i topit te zona e kundërshtare. Ashtu siç bëri Teuta. Një goditje në portë një gol dhe mbaron ndeshja pastaj,”-u shpreh Migen Memelli, trajner i Skënderbeut.

Ndeshjet e kthimit për çerekfinalet e Kupës së Shqipërisë do të luhen me 9 shkurt.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

I mori 8 mln lekë pacientes me COVID te 'Shefqet Ndroqi' , Gjykata dënon me 4 vite burg për mashtrim sanitaren (EMRI)

I mori 8 mln lekë pacientes me COVID te 'Shefqet Ndroqi' , Gjykata dënon me 4 vite burg për mashtrim sanitaren (EMRI)

27 Dhjetor, 13:42