Derbi me apo pa tifozë? Komisioni i Disiplinës merr vendimin për dhunën ndaj fotografit në ndeshjen Partizani-Flamurtari

Derbi i kryeqytetit Tirana-Partizani që do të zhvillohet të premten do të ketë prezente të dy tifozëritë e klubeve pavarësisht se në javën që lamë pas kanë shkaktuar incidente.

Në vendimet e Komisionit të Disiplinës të zbardhura ditën e sotme klubi i Partizanit është dënuar me 2 ndeshje pa praninën e tifozëve në “Selman Stërmasi” për dhunën e shkatuar nga mbështetësit e kuq ndaj fatografit të Flamurtarit. Edhe pse një shkelje e rëndë, Komisioni i Disiplinës ka vepruar me dorë në zemër në këtë rast, duke mos i hequr bukurinë derbit. Për Partizanin gjithashtu do të ketë edhe një gjobë në vlerën monetare prej 200.000 mijë lekësh të reja.

Ndërkohë me gjobë të majme është dënuar edhe Tirana për sjelljen e gabuar të përsëritur të tifozëve. Për klubin bardheblu Komsioni i Displinës ka dhënë gjobën prej 400 mijë lekësh të reja.

Me gjobë për sjellje të gabuar të tifozëve në shifrën e 100 mijë lekëve të reja janë dënuar edhe Skënderbeu me Luftëtarin. Kjo bën që FSHF në javën e 23 të Superligës si pasojë e gjobave të vendosura të arkëtojë 800 mijë lekë të reja.

Më keq nga të gjitha nga Komisioni i Disiplinës e ka pësuar futbollisti i Luftëtarit Albano Aleksi i cili për sjellje të gabuar ndaj zyrtarit të ndeshjes është dënuar me 4 ndeshje pezullim.

Të gjitha vendimet e Disiplinës

1. KF “Luftëtari”, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) Lekë .
2. Lojtari i KF “Luftëtari”, Albano Aleksi, për sjellje jo sportive ndaj zyrtarit të ndeshjes, në bazë të Nenit 49/1/a të KDS, dënohet me 4 (katër) ndeshje pezullim nga aktiviteti.
3. KF “Skëndërbeu”, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) Lekë.
4. KF “Tirana”, për sjellje të gabuar të spektatorëve , në bazë të Nenit 66/1 të KDS, për shkak të përseritjes së shkejes, dënohet me gjobë në masën 400.000 (katërqindmijë) Lekë.
5. FK “Partizani”, për dështim në përmbushjen e përgjegjësive për organizimin e ndeshjes kundër “Flamurtari” FC duke mos garantuar sigurinë e zyrtarit të ekipit kundërshtar, në bazë të Nenit 64/b)/c)/e); 65/1 dhe 65/2 të KDS, dënohet me zhvillimin e 2 (dy) ndeshjeve pa spektatorë në stadiumin përkatës si dhe gjobë në masën 200.000 (dyqindmijë) Lekë.
6. KS “Kastrioti”, në bazë të Nenit 13 të KDS, paralajmerohet se në rast përsëritje të shkeljeve disipinore, do të jetë subjekt i ndëshkimeve qe parashikon Kodi i Disiplinës Sportive dhe rregulloret e tjera të FSHF.
7. Zyrtari i KF “Shënkolli”, Armando Loka, për sulm ndaj zyrtarit të ndeshjes, në bazë të Nenit 49/2/b) të KDS, dënohet me 18 (tetëmbëedhjetë) muaj pezullim nga çdo aktivitet futbollistik.
8. Lojtari i KF “Shënkolli” , Rinev Danaj, për dhunë ndaj zyrtarit të ndeshjes dhe për shkelje displinore të përseritur gjatë periurdhës së provës, në bazë të nenit 49/2/b) të KDS, dënohet me përjashtim të përherëshëm nga çdo aktivitet futbollistik.
9. Pranimin e kërkesës së lojtarit të KF “Partizani” U-19, Joan Cela dhe pezullimin e pjesës së mbetur të dënimit. Në bazë të Nenit 33/4 të KDS, lojtari Joan Cela vendoset në provë për një periudhë 6 mujore.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Juventusi në garë për Mario Mitaj, Lokomotiva rrit çmimin e mbrojtësit të Kombëtares

Juventusi në garë për Mario Mitaj, Lokomotiva rrit çmimin e mbrojtësit të Kombëtares