TIRANE- “O Shaban, unë kam mbetur shtatzanë me ty, si do të bëjmë”. Kjo është fjala e vetme që Aishe Vata i ka thënë Shaban Norjas, me të cilin kishte pasur një lidhje të fshehtë mbi 2 vjeçare.

Dëshmia e dhënë në polici e Shaban Norjas, tregon më së miri raportet që “mostra i Durrësit”, ka pasur me viktimën Aishe Vata, dhe motrën e kësaj të fundit shtetasen me inicialet M.V. Në botimin e pjesës së dytë të dëshmisë, gazeta “Shqiptarja.com” sjell detaje të tjera ku tregohet komunikimet e vazhdueshme në telefon mes autorit të krimit Shaban Norja dhe viktimës 17-vjeçare Aishe Vata, por dhe komunikimet e tjera që 81-vjeçari ka pasur me shtetasen me inicialet M.V., numrin e të cilës e kishte ruajtur me emrin “Adem”.

Në dëshmi tregohet dhe një moment kur Shaban Norja, ka ndërhyrë tek Muhameti, duke influencuar që vajza e tij 14-vjece M., të mos shoqërohej me dy djem nga Kukësi, pasi ata kishin synin ta çonin në Greqi. Në këtë pjesë të dytë Norja tregon dhe momentet e para kur ka kryer marrëdhënie seksuale dhe se sipas rëfimit të tij ka qënë vetë viktima Aishe Vata, ajo që e ka provokuar, duke e fërkuar tek supet. Ndërkohë në të gjitha rastet kontaktet seksuale janë kryer në kasollen që ndodhet jo shumë larg, banesës disa katëshe ku banonte viktima.

Në Durrës më 14.10.2012 ora 13:30
Unë A.Ll. Oficer i Policisë Gjyësore në bazë të nenit 296 të Kodit të Procedurës Penale, mbaj këtë procesverbal për marrjen e të dhënave ndaj personit që zhvillohen hetimet Shaban Norja, i biri i Reshitit dhe i Cajes, i ditëlindjes 13.02.1932, lindur në Likesh Shijak dhe banues në Komuna Xhafzotaj katër rrugët, Shijak, Durrës, me kombësi e shtetësi Shqiptare, me gjëndje gjyqësore i dënuar më parë për tentativë vrasje, me gjëndje familjare i ve, me numër telefoni 0686505xxx

I dyshuari u njoh me të drejtat që i njeh ligji.
Unë Shaban Norja jam me banim në komunën Xhafzotaj lagjia “Partizan” Shijak. Pasi u njoha me të drejtat e mia sqaroj se unë do të jap shpjegime pa praninë e avokatit në këtë fazë të hetimit për çfarë do pyetem.

Rrëfimi
Unë dua të them se nga të gjithë pjesëtarët e familjes së Muhamet Vatës, kam ruajtur raporte komunikimi në telefon me shtetasen M.V, kjo gjë pasi në një rast kur ajo ka qënë 14 vjeç unë e kam shpëtuar nga dy çuna nga Kukësi, ku njëri quhet Y. Hamza banues në Kalimash Kukës, të cilët donin që ta çonin në Greqi dhe unë nuk e kam lënë. Këtë gjë jam kam thënë Muhametit. Nisur nga kjo situatë unë kam krijuar raporte shumë të mira miqësore me M., në komunikonim në telefon dhe takoheshim bashkë me të. Ndërkohë që unë nuk kisha asnjë komunikim me Muhametin, unë me vajzat e tij M.V. dhe Aisha Vata kisha marrëdhënia krejt normale e pa probleme.

Ndërsa rreth një vit e gjysëm apo dy vjet më parë, tek ndodhesha në kasollen time më bie telefoni dhe kur jam përgjigjur mësova se ishte shtetësja Aishe Vata. Kjo e fundit pasi më përshëndeti më pyeti se ku isha e çfarë po bëja e pasi jam përgjigjur se jam tek kasollja ime ajo më tha: “A mund të vij të takoj pak se kam një muhabet”. E unë i jam përgjigjur: ”Eja kur të duash”. Po atë ditë Aishja ka radhur e ka qëndruar me mua duke bërë muhabet. Në këtë kohë Aishja ishte në klasën e 9-të, donte dhe një muaj të mabronte shkolla. Unë isha tek baçja e Edit dhe me sa më kujtohet ka qënë ditë e djelë paradite. Unë po rrija dhe aty më është afruar nga mbrapa Aishja dhe më ka kapur tek supet duke më fërkuar.

Unë jam ulur duke e rrëzuar në tokë dhe pashë se ajo ishte pa ……. Unë e kam puthur dhe ajo nuk ka reaguar fare më pas kemi kryer marrëdhënie. Që prej asaj kohe vashdoja të kryeja marrëdhënie rregullisht brenda baçjes dhe tek barakja në kohë të ndryshme dhe në asnjë vend tjetër, pasi nuk donim që të na shihte që rrinim apo shoqëroheshim bashkë. Sqaroj se motra e Aishes, M, nuk e dinte që unë kisha lidhje me Aishen. Unë komunikoja në telefon me të dyja pasi kishin shkëmbyer numrat e telefonit. Unë e kam të rregjistruar numrin e M, me emrin Adem. Ndërsa numrin e Aishes e pata hequr por e kam patur në një copë letër të shënuar ku më është sekuestruar. Di që ka qënë një numër Eegle 06730xxxx por numrat e tjerë nuk më kujtohen.

Po kështu desha të shtoj që të gjitha takimet e mia me shtetasen Aishe Vata, janë bërë gjatë orëve të drekës, kryesisht kur ajo kthehej nga shkolla dhe asnjëherë nuk ka ndodhur që këto takime të kryeheshin në orare apo kohë tjetër. Ndërkohë në një nga ditët e fundit të muajit Shtator apo fillimi i muajit Tetor, Aishja më ka marrë në telefon si dhe për çdo herë tjetër, duke më pyetur se ku isha e se donte të më takonte patjetër, e unë i kam thënë se: “Jam tek baçja e kasolles duke punuar”. Pas rreth 15-20 minutash  Aishja ka ardhur më ka takuar e pasi u përshëndetëm më ka thënë: O Shaban, unë kam mbetur shtatzanë me ty, si do të bëjmë”.

“Mbeta i shokuar mendova se po tallej”
“Të them të drejtën mbeta i shokuar nga ky lajm i saj, e për momentin i thashë se po bënte shaka, por ajo më foli me seriozitet e mu betua për shtatzaninë e saj. Pas kësaj unë e kam pyetur Aishen se mos e kishte shtatzaninë me ndonjë person tjetër, meqënëse unë isha plak me moshë 80 vjeç, por ajo mu betua disa herë me lot në sy, duke më thënë se ”Përveç teje nuk më ka prekur e nuk kam vajtuar me asnjë mashkull tjetër në këtë botë”. Kja është biseda e parë që Shaban Norja ka kryer me Aishe Vatën, lidhur me shtatzaninë e vajzës 17-vjecacre.

Norja është ndier në tension, ndërkohë në të njëjtën situatë ka qënë dhe Aishe Vata. Ky është momenti i parë që dy protagonistët e lidhjes së fshehtë intime janë takuar dhe kanë biseduar për shtatzaninë e adoleshentes. Norja ka këmbëngulur se Vata nuk mund të kishte mbetur shtatzanë, për shkak se ai nuk ishte i aftë, si pasojë e moshës. Por më pas rrethanat e mëtejshme treguar se e viktima Aishe Vata, rezultoi shtatzanë, pasi gjatë aktit të ekspertimit mjeko-ligjor është konstatuar se në mitrën e viktimës ndodhej një fetus njeriu disa javësh.

Shaban Norja, i braktisur nga familja
Pas dënimit me 25 vite burg nga gjykata e Durrësit, Shaban Norja është izoluar në një burg të sigurisë së zakonshme. 81-vjeçari qëndron i mbyllur, duke mos marrë vëmëndjen e askujt, përfshirë këtu dhe të fëmijëve të tij. Këta të fundit, disa ditë pas arrestimit të Norjes deklaruar jo zyrtarisht se për ta babai i tyre nuk ekzistonte. Kjo për shkak të krimit mostruoz që kishte kryer ndaj adoleshentes 17-vjeçare Aishe Vata. Gjatë procesit të gjykimit Norja ka pranuar autorësinë e krimit dhe se në disa seanca gjyqësore është përlotur, duke kërkuar mëshirë para trupit gjykues. Procesi gjyqësor ndaj Norjas është zhvilluar me gjykim të shkurtuar.   

Shkrimi u publikua sot (18.12.2013) në gazetën Shqiptarja.com (print)

Redaksia Online
(d.d/shqiptarja.com)