Dëshmia e shokut: Kisha babain me COVID, i kërkova Mensurit bombola oksigjeni, i ktheva kur mësova se u arrestua

Në dosjen e siguruar nga Report Tv për hetimet mbi vjedhjen e bombolave të oksigjenit jepet edhe dëshmia e një qytetari me emerin Eduart Cara i cili tregon se si i kishte marrë 7 bombola oksigjeni nga Mensur Shtylla. 

"Unë kam njohje me këtë person dhe kam pasur rreth 2 muaj më parë babën tim me COVID19 dhe akoma është i sëmurë në shtëpi dhe në përkujdesje mjekësore e familjare dhe duke qenë se Mensuri punonte okigjenist ke Spitali Kavajës unë i jam lutur shoqërore që të më sillte fillimisht një bombol oksigjeni dhe kam shkuar dhe e kam marre atë me mjetin tim.
Dhe duke qenë se baba im ishte dhe vazhdon i sëmurë un i kam marrë Mensurit dhe 7 copë bombola oksigjeni ke spital dhe konkretisht në pjesën e pasme te spitalit ke depoja e oksigjenit te cilat i ka nxjerrë", ka thënë ai i cili ka nënvizuar se pasi ka parë që Shtylla është arrestuar i ka çuar bombulat në shtëpinë e tij. 
 

Lajmi kryesor:

Dosja e plotë/ Vodhi bombolat e oksigjenit në spital dhe ua jepte banorëve! Arrest me burg për Mensur Shtyllën! Zbardhen dëshmitë

K.T./Shqiptarja.com

TAG:
• prokuroria
• kavaje
• koronavirusi ne shqiperi
• Spitali i kavajes
• oksigjenist