Dëshmia: Kanë 6 snajpera! Pas
fitores së PD qëlluan me kallashë

TIRANE - Xhuliano Malo, i arrestuari nga policia si pjesë e grupit që vranë me breshëri kallashnikovi policin e RENEA-s ka treguar detaje interesante, për mënyrën e veprimet dhe organizimit të këtij grupi,që simpatizon dhe përkrah grupin terrorist të ISIS.I riu ka treguar se ai do furnizonte me armë anëtarët e grupit kriminal që qëlluan mbi policinë. Në dëshminë që ka dhënë para efektivëve të policisë ai ka treguar se ky sulm kishte rreth 6 muaj që organizohej, ku fillimisht janë siguruar armët.

Shumë armë dhe municione janë blerë në fshatra të ndryshme të Gjirokastrës dhe në Tepelenë në fshatin Progonat, aty ku një vit më parë kultivuesit e drogës qëlluan RENEA-n me armë. Gjithmonë sipas dëshmisë së Malo që ka dhënë para prokurorëve, armët janë blerë dhe më pas janë transportuar gjatë natës, nga zona malore, duke u futur më pas në Lazarat. Sipas tij, grupi vepron në shumë banesa në Lazarat, pasi është ndarë në mini grupe dhe siguron armatime të të gjitha llojeve. Sipas tij është i njëjti grup që ka organizuar disa shpërthime me tritol në Lazarat muaj me pare.

 

TAG:
• lazarat