Përmbytjet në Vlorë kanë shkaktuar dëme të mëdha edhe në shtëpitë e banorëve, të cilët thonë se natën e kanë kaluar jashtë ose duke u përpjekur të pastrojnë banesat. Ekipi i Report Tv që ndodhet në Vlorë sjell dëshmi të qytetarëve, të cilët me dhimbje të madhe përshkruajnë panoramën që ka lënë pas përmbytjet duke shkatërruar gjithçka që u doli para.
Në këto pamje që banorët tregojnë përmes Report Tv, gjithçka në banesat e tyre është nën ujë, ose me baltën që ka lënë pas përmbytje që vërshoi në banesat e tyre si një lumë i rrëmbyeshëm. Mobiljet janë shkatërruar, ushqimet janë prishur, e shpresat për banorët janë drejt Bashkisë për dëmshpërblim.
Një grua e përshkruan ujin që vërshoi në dritaret dhe dyert e shtëpisë si një vullkan. E shokuar, ajo thotë se nuk u mbeti asgjë, vetëm fëmijët i shpëtuan.
“Nga dritaret na erdhi uji, nga dera, nga banja, kemi marrë pllaka i kemi vënë lart mbi banjo. Si vullkan, ishte e pamundur, thamë shyqyr të na shpëtojnë fëmijët gjallë. Na është dëmtuar gjithë mobilja, s’kemi asgjë fare, mbajmë duart përpjetë. Uji ishte tamam si det. U bëmë ujë, dimë që notuam”, tregon një banore.
Të gjitha banesat e kateve të para në lagjen “11 Janari” në Vlorë , në zonën e njohur si “ Pusi i Mezinit” janë nën pushtetin e ujit e të baltës. Kemi kaluar një natë ferri thonë për mikrofonin e Report Tv banorët teksa tregojnë orët e tmerrit gjatë përballjes me vërshimin e ujit. Gjithçka ndodhi krejt papritur tregojnë banorët , teksa thirrjes së tyre për ndihmë nuk i është përgjigjur askush.
Vinte që lart, ishte rrëke e madhe, nuk mund ta përballoje dot. U mbush ballkoni, tualeti, të gjitha. Gjitha mobiljet janë shkatërruar, edhe dyshekët i kam nxjerrë jashtë. Nuk na e hapi njeri telefonin, kam një numër të bashkisë, nuk kishim as korent të vinim pak popmën të thithnim ujë.
“Oriz, makarona, çfarë kisha, të tërë kanë ikur poshtë. Nuk do çfarë të them. Që andej, që këtej, nuk dihej nga vinte uji. Ka ndodhur edhe një vit, por jo kështu. Të bëjë televizori. Kërkuar ndihmë? Ku të kërkosh, internet nuk kishe, me laraskat, me ç’të kërkojë. Natën e kaluam jashtë. Kam fjetur në këtë shtëpinë time, aq sa ke fjetur ti.
Ne jemi pensionistë, kam edhe një motër të sëmurë. Rroba nuk kemi. Kishim dy pako makarona aty, ikën. Gjithçka në pushtetin e ujit. Tërë natën pa gjumë, s’po e mbarojmë ujin akoma. Ku do kërkoje ndihmë, as drita, asgjë. Është hera e dytë që përmbytemi, herën e parë na tha Bashkia do ju ndihmojmë, asgjë. Mospastrimi i kanaleve. Na kanë lënë pa bukë fare.
Djali mbeti brenda, jemi ngritur gjithë fisi e pastruam.
Rreth orës, tham se zuri shi si gjithmonë. Jemi mbytur brenda, notonte frigoriferi i mbushur plot mbi ujë. Të gjitha plaçkat, asgjë s’ka ngelur. Vetëm dy televizorë kanë shpëtuar. Kërkova ndihmë dhe radhën e parë, na erdhi komisioni me gjithë kryetarin, na dhanë ndonjë copë pulle që do na vlerësonin plaçkën. Kjo është plaçkë e dytë që ka ikur, s’na e dhanë shpërblimin”, thonë banorët.
Kjo është hera e dytë që përmbytemi thonë banorët e dëmtuar, por si këtë herë nuk ka ndodhur kurrë më parë. Për këtë situatë ata fajësojnë bashkinë për mospastrimin e kanaleve kulluese, të cilat prej dy vitesh janë të tejmbushur me mbeturina.
Të shkatërruar ekonomikisht dhe të braktisur në fatin e tyre, banorët e kësaj lagjeje nuk fshehin zhgënjimin për qeverinë e votuar prej tyre.
Autoritetet vendore pritet të nisin punën për të bërë një bilanc të dëmeve të shkaktuar në gjithë Vlorën për shkak të përmbytjeve, që goditën qytetin bregdetar më 4 tetor si asnjëherë më parë.
Raportuan për Report Tv dhe Shqiptarja.com, gazetarët Armand Xhelili dhe Sokol Dema
Mes dëshpërimit të madh që ka sjellë përmbytja në Vlorë, 44-vjeçarja Vjollca Goxhaj, nënë e katër vajzave të mitura, u vendos para Prefekturës së qytetit të Vlorës duke kërkuar strehim. Banesa e saj në lagjen ‘Kushtrimi’ është përmbytur plotësisht dhe ajo ka mbetur pa asnjë ndihmë. “Ka ardhur uji deri në brez, shtëpia u mbyt komplet. Kërkoj strehim. Nuk kam asnjë lloj ndihme,” shprehet Vjollca për Report Tv, e cila bën thirrje për të siguruar një vend të sigurt për fëmijët e saj pas kësaj tragjedie. Më pas, nëna me 4 fëmijët u strehuan në konvikt, aty ku janë vendosur të gjitha familjet e evakuuara mbrëmjen e djeshme.
Komente
Lajme të tjera
Vlorë/ Atentati ndaj Kevin Hajrullës, po kalonte rastësisht, flet i plagosuri tjetër: U shtriva përtokë, mendova se ishin fishekzjarre
Mot me shi, ndalohet lundrimi i peshkarexhave në Vlorë! Vijon normalisht për tragetet
20 Dhjetor, 10:29
Vlora, vendi i parë Neandertalian në Shqipëri! Zbulohen pjesë veglash guri që datojnë mbi 40 mijë vjet më parë
20 Dhjetor, 08:05
Atentati ndaj kushëririt të Inez Hajrullës, i riu rëndë te Trauma! U qëllua me 50 plumba, autorët lëvizën me targa italiane të vjedhura (VIDEO)
19 Dhjetor, 07:50
Vlorë/ Atentat ndaj kushëririt të Inez Hajrullës, 30 vjeçari rëndë në spital! Plagoset dhe një kalimtar, tregtar fruta perimesh! Autorët djegin makinën në Panaja (VIDEO + EMRAT)
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12
Bashkia e Vlorës zhvendos tregun e gjësë së gjallë, tregtarët bëjnë rezistencë: S’vjen njeri të blejë kaposhë në Nartë se është larg
Shpërndanin drogë në Sarandë e Delvinë, “Arrest në burg” për 12 persona
I dënuar me 21 vite burg në Itali për trafik droge, konfiskohen dy resorte në Sarandë të Emiljan Burbës! Vlera rreth 3 mln euro (VENDIMI)
18 Dhjetor, 10:04
Arrestohet hajduti i biçikletave në Vlorë, momenti kur kryen një nga grabitjet
17 Dhjetor, 12:00
I vuri tritol lokalit ‘The Boss’ në Lungomare, Gjykata e Vlorës lë në burg 28-vjeçarin! Selamaj zgjedh heshtjen (VENDIMI)
16 Dhjetor, 15:38
Vlorë/ Rekrutonin shtetas të huaj për aktivitet kriminal, Gjykata lë në qeli ukrainasin dhe bjellorusin, liron 2 të tjerët për mungesë provash (EMRAT+VENDIMI)
16 Dhjetor, 15:20
Jep dorhqjen zotri se nuk je i afte per kete pune, ke 1 vit e gjysem ske ber nje pune, ske pastruar nje puset. E ke shqyer Vloren ske hedh nje lopat te mbyllesh ato gropa. Ku ishte ai drejtori ujsjellsit kur ndodhu ngjarja apo ishte me pushime e doli dje rrinte si kukudh para kameres. Zhdukni bashki K****** jeni mbledh atje beni llogje kavaje
PërgjigjuKryetar i paaftt. Del e flet ka situaten nen kontroll turppp del e flet naten se diten.... Normale po te mbash mbas vetes Adin sokolin dhe at prostituten qe ha burra... Jep dorheqjen se sje per kete sport. Sporti jot esht te pish Iqos.
PërgjigjuFranca eshte nje shtet i madhe dhe ka nje vite nen uje dhe njerzit jane te arsyshem po punojne vete per te larguar ujin dhe balten. Eshte katastrofe natyrale dhe nuk nxjerin vrere. Kujdes me termat behuni njerez njehere.
PërgjigjuO,grua po leri keto se le nam
Po doemos te maresh krah te djatht kunatin e shokut Ko_lloz Sokol Kucin e ka pak Vlora kete qe i ndodhi
PërgjigjuKryetar bashkie i paafte i paorganizuar me nje staf super te korruptuar e te paafte . Kryetar qe fle gjume e di te shkele.vetem syrin ne korridoret e Bashkise . O edo hajde ne vlore se ky e ka bere katastrofe per here te fundit eshte pastruar ne 2020
Përgjigju1700€ metri katror ne Vlor, prisni se do ndertoj Trumpi resort haha
PërgjigjuTurp ,,skandal, kjo që ndodh në Vlorë ishte më se i pritshëm,,Me këtë Kryetar,,që fle gjumë,,rrugët të shkatërruar,,Plera në çdo rrugë,,parkimi është bërë privat nga çdo bisnes,Administrata super e paaftë, r korruptuar edhe në thonj. Ashk, bunker,Gjendja civile nuk mer një çertifikatë më pak se 1 muaj ose me 20mijë lekë e mer menjëherë, rrugët midis pallateve më muaj të tërë që nuk pastrohet,,Të gjithë të zgjedhurit në Këshillin bashkiak e kanë mendjen ku të vjedhin ku të përfitojnë dhe nuk kanë guxuar asnjëherë të hapin gojën ,,se janë edhe ata aq të lyer me baltë sa dhe Drejtuesit e tyre,,Çfarë të presin vlonjatët? Duhen zhdukur këta si Majtas dhe djathtas.
PërgjigjuBE duhet ti ndihmoje keto banore me nje fond special nga mekanizmi mbrojtjes nga permbytja
Përgjigjunuk kane cte bejne as deputetet se duhette marrin leje per te reaguar
PërgjigjuKryeministri Edi Rama, per arsye qe nuk i beri kurre publike, iu qep si "morr" kryebashkiakut Dritan Leli, cdo fundjave, per gati dy vjet, per copeza letrash e qesesh "te papastruara" ne cepa te humbura ku i conte era, e shkoi, per kete show, deri ne plazhe te dhena me koncesion privateve. Po me dhendrin e Gramoz Rucit, kryebashkiakun aktual Ermal Dredha prej gati 1 viti e gjysem, qe nuk eshte kujdesur per mirembajtjen dhe pastrimin e perrenjve e kanaleve qe rrethojne Vloren as perpara, as ne prag e as gjate rrebeshit te djeshem cfare do te beje? Perseri nga parate e popullit te sotem dhe te brezave qe do te vijne do te paguhen ("demshperblehen") matrapazlleqet e "neglizhences" e "shperdorimit" te detyres, dhe me shume akoma, perdorimi e shperdorimi i fondeve te Emergjences Civile?
PërgjigjuUa, si kshu shahet qeveria? Oburra Rame hidhu vrap me Vlore se te mori lumi! Aktivizo cik boten e "nendheshme" e futi nje dacke pinokut ne bashki. Sic di te besh ti. Per te llafosur miqte i papare ama kur eshte koha per pune te ha mune. Per llafosur miqte
Përgjigju