'Dështoi eliminimi i Trump, por jo atentati, eksperti në '5 Pyetjet': Shërbimet e sigurisë ceduan! Evakuimi ishte shumë i ngadaltë

Atentati i dështuar ndaj ish presidentit Donald Trump u diskutua mbrëmjen e sotme në ‘5 Pyetjet me Babaramon’. Mbetet ende mister se si Shërbimi i Sigurisë nuk e parandaloi ngjarjen e rëndë që për pak sa nuk i mori jetën ish presidentit, megjithatë la pasoja pasi një person mbeti i vrarë nga të shtënat.

Gjithashtu në studio u diskutua e ardhmja e Amerikës dhe BE-së me një rikthim të mundshmë të Trump në Shtëpinë e Bardhë.

Gazetari Flamur Vezaj nga SHBA dha më shumë detaje nga ngjarja dhe ajo çka vijuar më tej.

'Të gjitha mediat janë foksuar tek atentati ndaj Trump. Vetëm pak milimetra e kanë shpëtuar. Vetëm një moment kur ka lëviz kokën në të majtë, kanë shpëtuar duke marrë plumbin në veshin e djathtë. Më pas plumbi shkoi në tubim. Duke plagosur dy dhe vrarë një. Këto dy ditë gjithçka po zihet. Kongresmenët kanë ngritur zërin për të ulur tensionin. Të gjithë kërkojnë unifikimin e kombit. Për pak mimnuta pritet të filloj Konventa republikanëve Milluoki. Pas ngjarjes presidenti Trump, u surprizova me mënyrën si reagoi Trump.

Si duket është trajnuar si duhet të reagojë. Veprimet kanë ngritur debate. Si ka mundësi që një njeri që merr një plumb bërtet: fighting, fighting, USA! USA! Ka debate të ndryshme. Trump falënderoi shërbimin sekret. Pavarësisht disa analizave e kanë dështuar një pjesë të forcave të sigurisë. Të dy krahët kanë deklaruar, Biden i ka uruar shërim. Ka ndërprerë pushimet dhe i ka kërkuar kombit unifikim, ka kërkuar të mos ketë deklarata abuzuese. Mbrëmë deklaroi se ka ndryshuar komplet fjalimin për të mbajtur sot.'

Eksperti i sigurisë Fatjon Softa theksoi se Shërbimi i Sigurisë dështoi në mbrojtjen ndaj ish presidentit Trump.

'Shërbimet e sigurisë ceduan. Janë 4 elementë mbrojtja trupore, ata më shumë përqafohen sa e mbrojnë. Janë me antiplumb por koka është e ekspozuar. Ka disa forma mbrojte. Evakuimi është shumë i ngadaltë. Koha për ta çuar ka qenë vonesë e pajustifkuar. E paimagjinueshme që objekti ku ishte atentatori ishte jashtë perimetrit të sigurisë.

Kur organizohet shërbimi i sigurisë janë dhe ushtria, policia. Ky objekt, në të gjitha rastet kontrollohen lartësitë. Që mund të jenë objekt qitjeje. Kqyret vendi dhe ndërtohet skena e mbrojtjes. Arma që ka përdorur, efektiviteti është deri 800 metra. Dështoi eliminimi i Trump, por jo atentati. Ai qëlloi 7 apo 8 herë. Kemi goditje në vesh në trup. Janë 9 presidentë të shpëtuar nga atentatet, 4 presidentë të vrarë. Ish presidenti, masat e sigurisë janë të përhershme, presidentit dhe bashkëshortit dhe fëmijëve deri 16 vjeç.

Ai ka qenë i përgatitur. Di të marri vijën e shënimit, si ka mundësi që nuk vihet re? Janë njoftuar forcat e policisë që po lëviz dikush i armatosur.'

Eksperti i Marrëdhënieve Ndërkombëtare, Ledjon Krisafi u shpreh se vetë Trump e ka nxitur gjuhën e urretjes që në 2016.

'Ka futur këtë frymë të keqe në SHBA. Rrjetet e të djathtëve ekstreme në SHBA akuzonin demokratët për atentatin, frymën e ashpër e ka futur Donald Trump. E ka futur idenë e politikës që njëri fiton të gjitha tjetri i humbet. Nëse bëhet president do shohim një president edhe më të egër, më të ashpër.'

Ndërsa analisti Lavdrim Lita theksoi se Trump ka pasur shumë ndalesa në mandatin e tij të parë nga aparate të DASH që nuk e lejuan të bënte reforma. Sipas tij, Trump është racional dhe jo populist siç mendohet gjërësisht.

'Po del sikur Trump është populist. Është racional. Ka bërë gjëra në jetë pa qenë në politikë. Gjatë mandatit të parë, aparatet e DASH i kanë bërë stërkëmbesha sa të duash duke ia ndaluar vrullin e reformave. Një nga arsyet për rikthimin është për të vijuar reformat. Ka një rezistencë brenda sistemit amerikan. Edhe dyshimi ndaj atentatit, i bëhet rezistencë për të marrë presidencën. Kam qenë në 2017 në Kaliforni, kam hapur CNN e brendshëm është Zëri i Popullit në Amerikën , një urretje ndaj Trump dhe konservatorëve në Amerikë. Nuk e dimë si funksionojnë mediat amerikane në rivalitetin ndaj njëri tjetri. Ka shumë urretje, do t’ia bëjnë jetën të vështirë nga dita e atentatit deri në nëntor.'
 

Gazetarja Esmeralda Mulaj shikon si të çuditshme që një shtet i fuqishëm si Amerika nuk ka kandidatë të rinj për zgjedhjet presidenciale.

'Gjithë ajo Amerikën dhe nuk kanë dy kandidatë normal. Edhe republikanët, Trump nuk ka ndarë vetëm Amerikën por edhe republikanët. Janë të indinjuar me kandidatin për zv president që ka zgjedhur për t’i dhënë atë dimension që ka Amerikan sot. Të njëjtën gjë edhe demokratët. Nuk kanë një kandidat më të ri se Joe Biden, me gjithë respektin për të. Nuk mund të ngelet në dorë të dy personave njëri 78 dhe tjetri 81 vjeç. Frustrimi që kanë me dy kandidatët sjell edhe përplasjen poshtë. Ka polarizim me Amerikën', tha Mulaj.

Rendit zhvillimet sipas orarit:

Të Fundit Të Parat

G.K/Shqiptarja.com

TAG:
• Kreshnik Spahiu
• lavdrim lita
• Esmeralda Mulaj
• 5 pyetje nga babaramo
• flamur vezaj
• fatjon softa
• qellohet me arme donald trump
• donald trump
• SHBA