4 hajdutë të maskuar si policë terrorizojnë fshatin Haderaj! Pronari i shtëpisë: U përlesha me to se deshën të më vënë prangat, gjatë ndjekjes 'Benzi' u doli nga rruga

Nje grup prej 5 personash me veshje kamuflazh si të policisë, po mbajnë të terrorizuar fshatin Haderaj në Bashkinë e Selenicës. Gjithsej në fshatin Haderaj janë 10 familje, 3 prej tyre kishin rënë pre e hajdutëve.

Episodi i fundit është shënuar mbrëmjen e së dieles, ku pre ka rënë familja e  Fidel Caushit. Gazetari i Report Tv dhe Shqiptarja.com, Armand Xhelili ka qenë në këtë fshat të thellë malor, ku ka intervistuar, Caushin pronarin e njërës banesë. Ai shprehet se "u konfliktova me dy prej grabitësve të armatosur, të cilën kanë tentuar t'i vënë edhe prangat".

Caushi tha se hajdutët e veshur si policë, e kanë kërcënuar me familjen dhe kanë dashur ti vënë prangat. Fillimisht tha se ata u janë prezantuar si policë por ai e ka kuptuar se po mashtrojnë.

"Në orën 6 futëm mallin dhe erdhëm në shtëpi. Mbylla portën dhe erdha brenda. Erdhi një makinë dhe  i thashë nuses erdhi një makinë. Mendova se ishte ndonjë mik. Doli i pari dhe zbriti nga makina ishte me maskë.  Ishin 5 persona të veshur si policë. Kishin pistoleta, maska, pranga dhe radio policie. Më thanë që ishin policë dhe do kryenin kontroll. U konfliktova me dy prej tyre, tentuan të më vinin pranga.Si të vijë policia me këto kushte thashë unë. Dy grabitësit e tjerë më kërcënuan familjen.  Ato më kapën dhe unë i kapa të dy dhe i solla këtu. Nxorri hekurat njëri. Njëri po bënte kontrollin nëpër shtëpi. Hapi divanet dhe i thashë të thërriste vëllain se nuk janë policia këto. Jashtë qëlluan me armë dhe ikën", tha ai. 

Në një rrëpirë, automjeti i autorëve tip Mercedes Benz 240 ka dalë nga rruga. Policia ka arritur të vë në pranga dy prej autorëve, ndërsa janë identifikuar edhe pjesëtarët e tjerë të grupit.

"Kishin targa policie dhe veshtje policie. Erdhën 5 veta. Mbtrëmë më vjen kunata me ulërimë. Hajd the se më kanë vënë djalin. Një nip  e kishin lënë shtrirë. Ik u thashë", shtoi vëllai i tij.

Po kështu pre e grabitësve me kamuflazh policia ka rënë disa ditë më parë edhe familja e Hate Caushaj. Të tmerruar ata tregojnë momentet e vështira që janë përjetuar.

"Nga ora 6 e gjysmë i ranë derës. Plaka më tho o burro qenka policia, futu brenda më thanë mos lëviz. Vajta te fëmija, 3 fëmijë të djalit të edhe nusja fëmijë. Vajta aty dhe u  thashë largohuni. Këmi frikë të rrimë në shtëpi më parë skemi pasur nga këto", rrëfen Hate.

Ne një banese tjetër ata kanë arritur të marrin 5 milionë lekë (të vjetra). Në zonë raportohet si tentativa e 3 për grabitje, kurse më parë kanë tentuar të vledhin edhe shtëpinë e vëllait të Caushit. Grupi hetimor tregohet i rezervuar deri në arrestimin e të gjithë anëtareve, ndërsa po punohet për dokumentin e plotë të kësaj ngjarje kriminale.

 

Be.K./r.k./Shqiptarja.com
  • Sondazhi i ditës:

    A po zbatohet vendimi i ekspertëve që ndalon grumbullimin e më shumë se 10 personave?



×

Lajmi i fundit

John

OFL drejt 'shkrirjes', Lleshaj 'ndërron' mendje: Do të kërkojmë shtyrje të afatit të vlefshmërisë së ligjit