POP 5

Lajmet më të lexuara të 5 minutave të fundit

Kronikë

Detajet/30 mijë $ për në SHBA,si
paguheshin paratë te trafikantët

ReportTv zbardh detaje të reja nga skema e trafikut të 1000 shqiptarëve drejt SHBA-ve dhe Britanisë, ku rezulton se shumica e emigrantëve kanë udhëtuar me avion drejt këtyre vendeve, ndërsa pagesat kundrejt trafikantëve bëheshin në dy pjesë. Një pjesë cash në Shqipëri dhe një pjesë me agjencitë e transfertave të parave kur ata mbërrinin në destinacion. VIDEO
Detajet/30 mijë $ për në SHBA,si<br />paguheshin paratë te trafikantët<br>
Pagesa me dy pjesë në dorë dhe nëpërmjet agjencive të transfertave të parave ishin mënyrat që përdorte rrjeti i trafikut të klandestinëve drejt Amerikës dhe Kanadasë, ku pjesa më e madhe e klandestinëve ka ikur me avion në SHBA e Britani.

Sipas hetimeve të Prokurorisë ky grup përdorte mënyra duke falsifikuar vizat amerikane, pasaporta të vendeve të BE-s, ku ndërroheshin fotot dhe vendoseshin fotot e shqiptarëve që emigronin, si dhe viza false të lëshuara nën siglën e shteteve të Meksisës dhe Republikës Domenikane.

Të arrestuarit si pjesë e 7 grupeve kriminale të trafikimit të klandestinëve të hënën do të dalin para Gjykatës së Krimeve të Rënda për t’u njohur me masat e sigurisë caktuar ndaj tyre në mungesë dhe me akuzat që rëndojnë ndaj tyre.

Prokuroria e Krimeve ka nisur dhe sekuestrimin e dokumentacioneve pranë zyrave të transfertave të parave në disa qytete të vendit, ku në një periudhë 5-vjeçare janë kryer kalim parash për llogari të të arrestuarve.

Shumat e paguara për të kaluar ilegalisht drejt Britanisë, Kanadasë dhe SHBA-ve arrinte nga 7 mijë paund në 25 mijë dollarë. Për këto grupe kriminale janë në total 51 urdhër arreste prej të cilave 39 të ekzekutuara dhe për 12 persona vazhdon ende operacioni pasi nuk janë kapur.

d.c./shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça