Tiranë- Shqiptarja.com dhe Report Tv mësojnë detaje të reja për ngjarjen e ndodhur mbrëmjen e djeshme rreth orës 21:00 në zonën e 21 Dhjetorit, në rrugën “Shefqet Musaraj”. Policia tha sot se pronari i bar Chicago-s u përplas me armë me një 50-vjeçar, ndërsa burime të Shqiptarja.com dhe Report Tv thonë se ai është shtetasi Ardjan Pashaj.
Të njëjtat burime konfirmojnë se ka qenë pronari i barit ai që ka ngritur armën i pari, ndonëse me të shtëna i është kundërpërgjigjur Pashaj. Ndaj Hitës rëndon akuza "Prodhim dhe mbajtja pa leje e armëve dhe municionit luftarak” dhe Kanosje”, ndërsa ndaj Pashajt vepra penale “Vrasje me dashje e mbetur në tentativë” dhe “Prodhimi dhe mbajtja pa leje e armëve dhe municionit luftarak”.
Por pavarësisht të shtënave para lokalit e panikut të krijuar në zonë Laert Hita ka tentuar ta fshehë ngjarjen. Burime policore konfirmojnë për Shqiptarja.com dhe Report Tv se forcat e policisë e kanë gjetur atë në banesën e tij, pas sinjalizimit të qytetarëve se dikush mund të ishte plagosur.
![](https://shqiptarja.com/template/img/NO_ALFA_Kuadrate shqiptarja.png)
Lokali ku ndodhi përplasja me armë një natë më parë
Hita nuk ka pasur plagë të shkaktuara nga arma e zjarrit, por burimet thonë se është përpjekur të fshehë me çdo mënyrë ngjarjen. Vetëm kur është përballur me kamerat e sigurisë që tregonin momentin e konfliktit mes tyre ai ka pranuar sherrin fizik që çoi më pas në përdorimin e armëve.
Në zonën ku jeton, ai njihet si person problematik që ka shkaktuar shpeshherë probleme, por mbetet e paqartë pse është konfliktuar me Pashajn.
Ndonëse është marrë në pyetje në polici, Hita nuk ka pranuar të sqarojë sherrin për motive të dobëta që ka pasur me 50-vjeçarin.
Kujtojmë se ngjarja ka ndodhur pak metra nga vendi ku u vra në fillim të këtij viti 32-vjeçari Emiljano Boçi në një atentat me armë zjarri.
Çfarë ndodhi mbrëmë
Këta shtetas mbrëmjen e djeshme rrugën “Shefqet Musaraj”, në lokal ( në pronësi të Laert Hitës) për motive të dobëta janë konfliktuar fizikisht me njëri - tjetrin, ku gjatë konfliktit kanë qëlluar me armë zjarri në drejtim të njëri - tjetrit, por pa pësuar dëmtime nga të shtënat. Materialet iu referuan Prokurorisë së Rrethit Gjyqësor Tiranë për veprime të mëtejshme në ngarkim të shtetasve të lartpërmendur.
Si u mor vesh ngjarja
Kanë qenë qytetarët ata që kanë sinjalizuar policinë për të shtënat me armë zjarri dhe një person të plagosur, por në momentin që kanë mbërritur blutë e kryeqytetit nuk kanë gjetur asnjë person, pasi 35-vjeçari fillimisht është larguar nga vendi i ngjarjes. Burime për Report Tv pohuan se 35-vjeçari ka plagë të lehta në trup, por policia në njoftimin e sotëm mohoi diçka të tillë.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Prokuroria te mos harroje te hetoje se si e ka vene pasurine ky 35 vjecar. Une jam po aq vjec, me doktorature dhe me page 5 mije euro ne muaj dhe nuk kam pasuri tjeter vec nje apartementi 60 m2 dhe nje veture 6mije euro. Me siguri qe do jete shume i zgjuar... Dhe ka pasur page te majme
PërgjigjuNuk e kuptoj! Ky ka ngritur armen e pari dhe vetem ai tjetri akuzohet per vrasje te mbetur ne tentative? Perse jo te dy te njejten akuze? Apo se ky eshte trim dhe i ka shok opgj e kom.2!
Përgjigju