Kërkesat e përsëritura të presidentit të guximshëm ukrainas për ndihmë nga BE dhe NATO bëhen gjithnjë e më emergjente dhe të dëshpëruara: më shumë armë, një embargo e ashpër kundër Rusisë, më shumë korridore për evakuim, zonë e ndalimfluturimit, avionë luftarakë! Përgjigjet e europianëve dhe perëndimit janë të njëjta dhe gjithnjë e më të pafuqishme para brutalitetit dhe antihumanizmit të diktatorit në Kremlin në luftën kundër Ukrainës.
Ministrat e Jashtëm e të Mbrojtjes të BE nuk e shohin veten në gjendje t'i ashpërsojnë edhe më tej sanksionet. Po, armë mbrojtëse do të dërgohen, nëse ende gjenden në depot ushtarake. Por një angazhim ushtarak në hapësirën ajrore ukrainase apo në tokë nuk shtrohet për diskutim, sepse kjo do të thoshte luftë në të gjithë Europën.
Mungesë e mjeteve praktike
Kryediplomatët dhe shtetet anëtare të BE po e përcaktojnë ndërkohë Vladimir Putinin ashtu siç është në të vërtetë: një kriminel lufte. Pamjet nga Ukraina të fëmijëve në lotë, të qyteteve të shkatërruara janë mjaft prekëse. Por as ministrat e Jashtëm të BE dhe as krerët shteteve dhe qeverive të vendeve të NATO-s që takohen po këtë javë në Bruksel nuk kanë në dorë mjete praktike për ta ndalur këtë çmenduri.
Sanksionet e ndërmarra e prekin Putinin dhe shoqërinë ruse vetëm në plan afatgjatë apo afatmesëm. NATO nuk mund t'ia heqë Putinit nga dora armët. Edhe një embargo të menjëhershme të gazit, naftës apo qymyrit Rusia do ta përballonte për disa kohë. Kurse vetë vendet e varura nga energjia ruse, si Gjermania do t'i shkaktonin plagë të mëdha ekonomike vetes, që mund të rrezikonte arritjet ekonomike, mirëqenien dhe në fund edhe solidaritetin me refugjatët. Prandaj BE me të drejtë nuk e ka pranuar një hap të tillë. Shkëputja sa më e shpejtë nga furnizimet ruse është rruga më e mençur, dhe madje aspak e lehtë.
Shumë pyetje, pak përgjigje
Ministrat e Jashtëm të BE nuk dhanë përgjigje të kënaqshme për pyetjet që prekin vijat e kuqe, si për shembull cilat do të jenë pasojat, në rast se Putini përdor armë kimike, shuan qytetet ukrainase, apo sulmon edhe Moldavinë e Gjeorgjinë pas Ukrainës. Vetëm një gjë është e qartë: Në rast se sulmohet territor i NATO-s, aleanca do të kundërpërgjigjet. Ky është premtimi, por a do të realizohej vërtet? Këtë duhet ta besojnë patundshëm në Balltik, në Poloni, në Rumani, ndryshe asgjë nuk e mban dot diktatorin e Kremlinit dhe ushtrinë e tij.
"Kompasi strategjik" që përcaktuan ministrat e Jashtëm është më shumë një tigër prej letre në sfondin e luftës aktuale në Ukrainë. Pavarësia më e madhe ushtarake dhe roli strategjik i BE në botë janë qëllime të nderuara, por punë të ardhmes. Tani bëhet fjalë për armatosje, për forcim të aftësisë mbrojtëse të BE, për ta bërë të besueshëm kërcënimin. Edhe këto janë plane që nuk ndihmojnë tani dhe këtu, e aq më pak njerëzit në Ukrainë.
Kush mund ta Heqë qafe tiranin?
Qëllimi i BE dhe NATO-s duhet të jetë një ndryshim pa vonesë i regjimit të Moskës për të ndalur makinerinë e luftës së Putinit. Ku janë shërbimet sekrete dhe komandot speciale, që janë në gjendje të heqin qafe një tiran të pafytyrë si Putinin? Krahasuar me udhëheqjen sovjetike në Luftën e Ftohtë, Vladimir Putini është vërtet i paparashikueshëm dhe i paskrupullt. Atëkohë funksiononte balanca e frikësimit, sepse dihej, kush e kalonte i pari vijën e kuqe, vdes i dyti. Por a funksionon sot frikësimi? Apo Putinit as që i bëhet vonë? Këto janë çështje, me të cilat BE, NATO dhe G7 do të duhet të merren këtë javë. Deri më tani asnjeri nuk ka një përgjigje./ Marrë nga Deutsche Welle
Komente
Lajme të tjera
-
Lufta/ Borrell: BE gati të sigurojë 200 milionë euro për ushtrinë libaneze
25 Nëntor, 08:12 -
Lufta/ Nënpresidenti i Këshillit të Sigurimit rus: Europa do të ketë pasoja katastrofike nëse vazhdon të mbështes Ukrainën
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32 -
E ardhmja e NATO-s dhe qëndrimet e Trump
24 Nëntor, 17:30 -
Zelensky kërkon më shumë sisteme për mbrojtjen ajrore në Ukrainë
24 Nëntor, 15:22 -
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35
Kush mendon se duke derguar arme ne Ukraine do te arrihet paqe gabohet , kjo do te thoshte me shume te vrare dhe ame shume biznes per ata qe prodhojne arme , keshtu qe ne qofte se duhet te ulen ne tryeze per te bisesuar ska asnje lloj rruge dalje tjeter
PërgjigjuAi tjetri i ka vene koburen ne koke, ti thua bisedime? Kete teorine tende zbatoi Perendimi ne Bosnje dhe si rezultat u vrane mbi 100 mije civile. Putini mund te kete te drejte ne disa aspekte karshi Perendimit por Ukraina nuk i ka asnje borxh. Perkundrazi Putini eshte duke shkelur marrveshjen e 1994 ku siguronte paqen ne Ukraine ne kembim te armeve berthamore te kesaj te fundit.