Një aeroplan i kompanisë “Albawings” i nisur nga Venecia drejt Rinasit ka devijuar uljen pas dyshimeve për një defekt teknik.
Sipas të dhënave nga aeroporti i Venecias aeroplani ishte planifikuar të nisej rreth orës 09:40 nga Venecia dhe pritej të mbërrinte në Tiranë rreth orës 11:00, por nisja është bërë rreth orës 10:09 nga Italia.
Në orën 10:25 avioni ka arritur lartësinë 9 mijë metra, ndërsa ka fluturuar vetëm 10 minuta në këtë lartësi, sipas të dhënave nga transponderi në bordin e avionit që Shqiptarja.com siguron aeroplani ka filluar uljen drejt Anconas në 10:35 kur ishte në fluturim mbi Zadar, Kroaci. Në orën 11:00 aeroplani është ulur në aeroportin e Anconas.
Aeroplani është nisur pas disa orësh nga aeroporti i Ancones drejt Rinasit dhe ka mberritur ne oren 16:35, ndërsa nga kompania ajrore nuk ka informacion zyrtar për ngjarjen.
Komente
