POP 5

Lajmet më të lexuara të 5 minutave të fundit

Bota

Dezinformoi mbi koronavirusin, Twitter i heq llogarinë personale ligjvënëses republikane

Në një postim në Twitter, pak para se llogaria e saj të pezullohej për një javë edhe në korrik, Greene pretendonte se virusi "nuk është i rrezikshëm për njerëzit jo-obezë dhe ata nën 65 vjeç".

Dezinformoi mbi koronavirusin, Twitter i heq llogarinë personale ligjvënëses republikane

Ligjvënësja republikane, Marjorie Taylor Greene

Kompania e medias sociale Twitter bllokoi sot llogarinë personale të ligjvënëses republikane Marjorie Taylor Greene për shkak të shkelje të shumta të rregulloreve të saj mbi dezinformimin lidhur me COVID-19. Lajmi u njoftua nga vetë kompania nëpërmjet një deklarate.

Llogaria e ligjvënëses nga Xhorxhia u bllokua përgjithmonë nga një sistem që Twitter e vendosi në funksionim që në mars, i cili përdor inteligjencën artificiale për të identifikuar postimet në lidhje me koronavirusin që ofrojnë informacione false të cilat mund të dëmtojnë njerëzit. Sistemi punon në mënyrë të tillë që pasi identifikon pesë ose më shumë postime të kësaj natyre mund ta heqë përfundimisht një llogari nga Twitter-i.

Në një deklaratë në aplikacionin e mesazheve Telegram, zonja Greene e cilësoi lëvizjen e Twitter si jo-amerikane. Ajo shkruante se llogaria e saj u hoq pasi postoi statistika nga një bazë të dhënash qeveritare, ku përfshihen të dhëna të papërpunuara e të paverifikuara.

"Twitter-i është një armik i Amerikës dhe nuk mund ta përballojë të vërtetën", shkruante zonja Greene. "Nuk është problem fare, unë do t'i tregoj Amerikës se nuk kemi nevojë për ta dhe është koha për t'i mposhtur armiqtë tanë", shkruante ajo më tej.

Twitter e ka pezulluar edhe më parë llogarinë e zonjës Greene për periudha që varionin nga 12 orë deri në një javë. Bllokimi ka ndodhur vetëm për llogarinë personale të Greene, @mtgreenee, por jo atë zyrtare në Twitter, @RepMTG.

Në një postim në Twitter, pak para se llogaria e saj të pezullohej për një javë në korrik, Greene pretendonte se virusi "nuk është i rrezikshëm për njerëzit jo-obezë dhe ata nën 65 vjeç". Sipas Qendrës amerikane për Kontrollin dhe Parandalimin e Sëmundjeve, nga fillimi i pandemisë deri më sot, 250 mijë persona nën 65 vjeç, kanë vdekur si pasojë e COVID-19. Zonja Greene e cilësoi në atë kohë vendimin si një "sulm të stilit komunist ndaj fjalës së lirë"./VOA/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 03/01/2022 00:55

    Kjo eshte nje nga ata idiotet ,pasues te Trumpit,kur degjon Evi Kokalarin te Berisha,eshte njelloj sikur te degjosh kete MTG,ngjajne si nga pamja,si nga trute.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25