POP 5

Lajmet më të lexuara të 5 minutave të fundit

Dhe tani... të dashurohemi me dashurinë

Edhe këtë verë mes librave të mi nuk do të mungojnë librat e Mjeshtrit indian të së Vërtetës, Osho. Në libraritë e mrekullueshme italiane, Feltrinelli apo Mondadori, argëtohem të gjej tituj që ende nuk i kam lexuar dhe më duket sikur duke i lexuar bëj një udhëtim në botën e magjishme të njerëzimit.
Dhe tani... të dashurohemi me dashurinë
Edhe këtë verë mes librave të mi nuk do të mungojnë librat e Mjeshtrit indian të së Vërtetës, Osho. Në libraritë e mrekullueshme italiane, Feltrinelli apo Mondadori, argëtohem të gjej tituj që ende nuk i kam lexuar dhe më duket sikur duke i lexuar bëj një udhëtim në botën e magjishme të njerëzimit.
 
Në stinën e bukur të verës shumë programojnë udhëtimet, pushimet në vende të ndryshme, në mal, det, qytet, shkretëtirë, oqean, por unë do të këshilloja, përmes të preferuarve të seicilit – Filozofë apo Mjeshtra të botës orientale, - një udhëtim dhe brenda vetes.
Shumë nga ne kanë nevojë të çlirohen nga komplekse serioze, që me dashje apo pa dashje ndikojnë në qetësinë e mbarësinë e të gjithëve: Filozofët mund të na ndihmojnë për  këtë.
 
Shqipëria po kalon një periudhë shumë të rëndësishme rritjeje; Nuk kemi qenë gjithnjë vend me fat. Të pozicionuar edhe gjeografikisht mes Lindjes dhe Perëndimit e të dënuar me një diktator që pakkush ka pasur shansin e keq ta ketë, pak kemi mundur të njohim veten tonë. Mundësitë e mrekullueshme njerëzore që Orienti dhe Oksidenti prej shekujsh njohin, zhvillojnë, vlerësojnë e bëjnë të lulëzojnë, te ne shpërfillen.
 
Ndoshta kemi ende nevojë të ushqehemi, të krijojmë një bazë të qëndrueshme materiale e më pas të “fluturojmë”, por kush ka mundësinë ta bëjë, me siguri nuk do të mbetet i zhgënjyer.
Jo çdo përkthim i librave të Oshos është bërë mirë, por çdo libër në italisht është i përkryer.
 
 Ndërsa po lexoj “Të dashurohesh me Dashurinë” (Innamorarsi dell’Amore – Botime Oscar Mondadori)  reflektoja se sa shumë kemi nevojë të njohim e të flasim ne për Dashurinë. Atë të pastrën, të vërtetën. Por a e njohim? Çfarë është Dashuria? Nis libri i Mjeshtrit Indian… Eshtë një pyetje e trishtuar; në rrjedhën e natyrshme të gjërave të gjithë duhet të dinë se çfarë është Dashuria. Por në të vërtetë askush, ose vetëm ndokush e di se ç’është; dashuria është shndërruar  një nga eksperiencat më të rralla. Patjetër që të gjithë flasin për të, shkruajnë romane dhe filma mbi Dashurinë, këndohet për Dashurinë, bëhen debate në televizion, në radio, shkruhet nëpër revista – industria që ofron ide për Dashurinë është e pafundme… Dashuria është ushqim për shpirtin, por u ka munguar të gjithëve…”
 
Dhe unë po propozoj diçka për këtë verë, një sfidë për kë kërkon të përmirësohet e të jetojë më mirë: Të dashurohemi me Dashurinë.

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

'Giro D'Italia' nis nga Shqipëria, Edi Rama: Njësoj si të kishim Cristiano Ronaldon mbi biçikletë

'Giro D'Italia' nis nga Shqipëria, Edi Rama: Njësoj si të kishim Cristiano Ronaldon mbi biçikletë

23 Dhjetor, 13:21