Dhëndrri i ish-kryeministrit Berisha ka akuzuar dibranët se kanë shitur votat. Në një reagim në “facebook” Jamarbër Malltezi shkruan se dibranët pëlqyen më shumë 50 euro se rrugën e Arbrit.
Ai shkon deri në fyerje të popullit dibran, duke shkruar se atyre nuk u duhet as rruga dhe as dinjiteti.
Malltezi shkruan se dibranët preferojnë 50 euro për 4 vjet në vend të Rrugës së Arbrit, duke theksuar se kjo rrugë nuk do të ndërtohet as për 20 vite.
“Dibranët me shitjen e votës treguan që preferojnë 50 euro sesa Rrugën e Arbrit. 50 euro për 4 vjet përkthehet në 1 euro në muaj. Për 20 vitet e ardhshme nuk do ndërtohet rruga pasi siç duket nuk ju duhet as rruga e as dinjiteti. Vidh Edvin e vidh Sadri”, shkruan Malltezi.
(Shkrimi në facebook i Jamarbër Malltezit)
Muharrem Rama, kandidati i ASHE fitoi zgjedhjet në Dibër me mbi 4 mijë vota në avantazh nga rivali i tij, Sherefedin Shehu.
Redaksia Online
Al.Ç/Shqiptarja.com