Dhjetëra mijëra izraelitë dynden shesheve kundër Netanyahut: Po kërkon të kapë drejtësinë

Dhjetëra mijëra izraelitë iu bashkuan demonstratave të shtunën kundër planeve të reformës gjyqësore të qeverisë së re të kryeministrit Benjamin Netanyahu.

Protestat u organizuan në dy sheshet kryesore të Tel Aviv në një revoltë kundër reformës së gjyqësorit të shpallur nga kreu i qeverisë, e cila sipas protestuesve synon të kontrollojë drejtësinë dhe të shkatërrojë balancat demokratike

Mes atyre që protestuan ishte edhe ish-kryeministri izraelit Yair Lapid.

"Njerëzit që e duan shtetin erdhën për të mbrojtur demokracinë e tij, gjykatat e tij, idenë e një jete të përbashkët dhe një të mirë të përbashkët," shkroi Lapid në Twitter, duke u zotuar të "mos dorëzohet derisa të fitojmë".

Netanyahu thotë se protestat po organizohen nga kundërshtarët e majtë, të cilët nuk duan të pranojnë rezultatin e zgjedhjeve të nëntorit të kaluar.

Protestuesit thonë se e ardhmja e demokracisë izraelite është në rrezik nëse planet, të cilat do të forcojnë kontrollin e qeverisë mbi emërimet gjyqësore dhe do të kufizojnë kompetencat e Gjykatës së Lartë për të rishikuar vendimet e qeverisë.

Përveç kërcënimit të pavarësisë së gjyqtarëve dhe dobësimit të mbikëqyrjes së qeverisë dhe parlamentit, ata thonë se planet do të minojnë të drejtat e pakicave dhe do të kriojnë më shumë korrupsion.

M.Q./Shqiptarja.com

TAG:
• Izrael
• Benjamin Netanyahu