Dhrami: Bashkitë po m’i
përçudnojnë monumentet

TIRANË - Muntaz Dhrami dje në Galerinë Kombëtare të Arteve ka përfaqësuar ekspozitën e bashkëshortes së tij, Lumturi Shehu Dhrami, që mungoi për arsye shëndetësore. Por ai si skulptor i njohur i vendit nuk mund t’u shpëtonte pyetjeve për problematikat e artit pamor në Shqipëri. Ndërsa flet për ekspozitën, fjala vjen tek tema e përçudnimit që iu është bërë monumenteve nëpër Shqipëri.

Bashkëshortja e Muntaz Dhramit, Lumturia renditet në artin e grafikës shqiptare krahas artistëve më të mirë si Pandi Mele, Safo Marko, Ibrahim Shehu, Musa Qarri, Vlash Prifti, Anastas Kostandini, etj. Por ajo nuk ka hapur asnjëherë më parë një ekspozitë personale.