Futbolli serb nuk gjen paqe. Pas akteve të dhunës në ndeshjen me Shqipërinë për të cilën do të vendos CAS dje në derbin e Beogradit pati dhunë masive mes dy tifozerive ku mbeten të plagosur edhe policë. Përpara se të niste derbi mes Crvena Zvezdës dhe Partizanit të Beogradit në tribuna u përleshën tifozeritë e të dyja skuadrave. Përleshja ishte e ashpër dhe policia ndërhyri menjëherë por fillimi I ndeshjes u shty me 45 minuta deri sa situate u vu nën kontroll dhe më pas përfundoi pa gola.

serbi

I ashpër ka qenë reagimi i Ministrit të Brendshëm serb Nebojsha Stefanoviç I cili sot në mëngjes ka thënë se pret dënimet më të ashpra për huliganët.

“35 policë u plagosën por për fat të mirë pa lëndime të rënda. Unë pres që drejtësia të veprojë me gjithë fuqinë e saj dhe të mos tolerojë tifozët huliganë në mënyrë që incidente të tilla të mos ndodhin më në të ardhmen” ka deklaruar ministri serb. Ajo që të bie më shumë në sy është prania e Ivanit të “tmerrshëm” kryetifozit të Crvena Zvezdës në shkallët e stadiumit.
 
Ivan Bogdanov është i dënuar të mos shkojë në stadium por edhe në derbin e djeshëm ashtu si edhe në ndeshjen me Shqipërinë duket se askush nuk e ka penguar.

serbi

Redaksia online
(f.m/shqiptarja.com)