POP 5

Lajmet më të lexuara të 5 minutave të fundit

Kronikë

Dhuna ndaj gazetarit Fundo/ Gjykata rrëzon policinë, dëmshpërblen autorin e dyshuar (Vendimi)

Arrestimi i autorit të dyshuar si dhunues të gazetarit Elvi Fundo, jo vetëm nuk zbardhi çështjen, por pas 18 muajsh, dosja qendron e arkivuar.Report Tv ka siguruar një vendim të Gjykatës Administrative e cila ka dëmshpërblyer me para të arrestuarin.

U arrestua nga Policia e Shtetit si autor i dhunimit të gazetarit Elvi Fundo marsin e vitit 2017, dëmshpërblehet nga gjykata me 64 mijë lekë për burgim të padrejtë.

Report Tv një ditë më parë publikoi vendimin e prokurorisë së Tiranës që kishte pezulluar hetimet për dhunën ndaj gazetarit Fundo, ndërsa është gjykata Administrative e cila ka dëmshpërblyer të arrestuarin për këtë rast shtetasin I.Gjuzi.

Gjuzi u prangos nga policia ndërsa hetimet zbuluan se ai s’kishte lidhje me këtë ngjarje dhe u lirua pasi u mbajt në qeli për 32 ditë. Pas lirimit ai i është drejtuar Gjykatës me një padi ndaj degës së Thesarit dhe ministrisë së Financave duke fituar dëmshpërblimin për burgimin e padrejtë.

Është ky vendimi i firmosur nga gjyqtari Eriol Roshi, ndërsa ka marrë formën e prerë dhe është dërguar në Thesar për ekzekutim. Më 21 gusht, pak ditë pas dhunimit të gazetarit, Policia e Tiranës njoftoi se kishte arrestuar një nga dy dhunuesit e Fundos të filmuar nga kamerat e sigurisë.

Vendimi i gjykatës për autorin e dyshuar

Për këtë njoftim policia shpërndau dhe videon e arrestimit dhe shoqërimit të I.Gjuzit në policinë e Tiranës siç dhe shihni në këto pamje. E teksa u duk se kjo ngjarje do zbardhej, pas 18 muajve jo vetëm nuk është zbardhur ende por ka nxjerrë në pah se policia ka gabuar me arrestimin e të dyshuarit.

Prokuroria ka kërkuar burg për një person për të cilin pak muaj më pas do t’i pushonte vetë hetimet. Gjykata e la në burg 32 ditë për ta liruar më pas, dhe gjykata Administrative të gjitha këto veprime i ka gjetur të gabuara duke i dhënë të drejtë të arrestuarit dhe duke e dëmshpërblyer me 64 mijë lekë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Speciale/ Blegtorët në udhëkryq, të zgjedhin kullotat apo emigrimin! Realiteti i trishtë i çobanëve që udhëhiqen nga pasioni

Speciale/ Blegtorët në udhëkryq, të zgjedhin kullotat apo emigrimin! Realiteti i trishtë i çobanëve që udhëhiqen nga pasioni

20 Prill, 18:16