Dhunë mes huliganëve në CL, plagosen katër policë! Arrestohen 39 ultras (VIDEO)

Dhunë mes huliganëve në CL, plagosen katër policë! Arrestohen 39 ultras (VIDEO)

Trazirat e huliganëve

BIRMINGHAM - Aston Villa dhe Legia e Varshavës u përballën mbrëmë në "Villa Park" për raundin e pestë të grupeve në Conference League. Në fillim të sfidës që doli 2-1 për vendasit, tifozët e të dyja skuadrave u përleshën masivisht në rrugët e qytetit.

Sipas medieve në ishull katër policë mbetën të plagosur dhe 39 tifozë u arrestuan. “Oficerët e policisë u përballën me skena të neveritshme dhe shumë të rrezikshme, duke përfshirë hedhjen e pishtarëve ndaj tyre”, shkroi Policia e West Mindlands.

Trazirat u nxitën nga tensionet mbi kufizimet në numrin e tifozëve miq në Villa Park. Numri i biletave për tifozët e Legias, me këshillën e shërbimeve lokale të shpëtimit dhe sigurisë, u reduktua në vetëm 1000 dhe sigurisht që tifozëve të Legias nuk u pëlqeu aspak. Federata polake po akuzon tani Aston Villan se siguria ishte në nivele të larta, por klubi anglez kufizoi aksesin e vizitorëve në këtë sfidë, gjë që nuk u pëlqeu ultrasve.

Kjo nuk është hera e parë që tifozët e Legias kthehen në protagonistë, ndërsa njihen për huliganizmin e tyre dhe në çdo transfertë ku shkojnë shkaktojnë trazira. Sfida përfundoi 2-1 për Aston Villan, teksa goli i Legias u shënua nga Ernest Muçi.

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Në Shqipëri do të prodhohen municione për Ukrainën, si e vlerësoni?



×

Lajmi i fundit

Vetingu largon përfundimisht nga sistemi i drejtësisë gjyqtaren Zeqine Sollaku, bashkëshorten e ish kryeprokurorit Sollaku

Vetingu largon përfundimisht nga sistemi i drejtësisë gjyqtaren Zeqine Sollaku, bashkëshorten e ish kryeprokurorit Sollaku