Një përleshje e dhunshme mes lojtarëve të ekipeve të Pogradecit e Luftëtarit ka ndodhur në fushën e gjelbërt, në stadiumin “Gjorgj Kyçyku” të Pogradecit ku pas përfundimit të ndeshjes ata kanë gjuajtur me grushte njëri-tjetrin.

Sipas të dhënave paraprake, bëhet e ditur se, incidenti ka ndodhur sapo ka mbaruar ndeshja e cila u mbyll me rezultatin 1 – 1 dhe brenda fushës kanë hyrë edhe disa tifozë, por që menjëherë ka ndërhyrë policia.

Kjo e fundit ka shoqëruar në polici disa tifozë, ndërkohë që kanë nisur hetimet rreth shkaqeve që çuan në këtë incident.