POP 5

Lajmet më të lexuara të 5 minutave të fundit

Kronikë

Dhunohet 42-vjeçari në Tiranë, lihet në mes të rrugës! Ende asnjë autor i identifikuar

Një 42-vjeçar është gjetur në rrugën "Sokrat Miho", në Tiranë me shenja dhune. Autorët ende nuk dihen.

Dhunohet 42-vjeçari në Tiranë, lihet në mes të rrugës! Ende asnjë autor i identifikuar

TIRANË- Një 42-vjeçar është gjetur me shenja dhune në rrugën ‘Sokrat Miho’ në kryeqytet. 42-vjeçari Rigelas Kaso banues në Bilisht është gjetur i shtrirë në rrugë rreth orës 06:35 minuta dhe dyshohet se është dhunuar.

42-vjeçari është dërguar në spital për ndihmë mjekësore, ndërsa ende nuk ka një autor të identifikuar për ngjarjen.

'Më datë 15.07.2024, rreth orës 06:35, në rrugën "Sokrat Miho", është gjetur nga kalimtarët i shtrirë në rrugë, dyshohet me shenja dhune, shtetasi Rigels Kaso, 42 vjeç, banues në Bilisht.

42-vjeçari është dërguar në spital për ndihmë mjekësore.

Grupi hetimor, nën drejtimin e Prokurorisë, vijon punën për identifikimin dhe kapjen e autorëve të dyshuar dhe sqarimin e rrethanave të ngjarjes.'- njofton policia.

Rendit zhvillimet sipas orarit:
Ora 19:11
U dhunua dhe u la në rrugë, flet fqinj i 42- vjeçarit: Këto ditë se kam parë! S'punonte në Tiranë

 

Fqinji i 42- vjeçarit, Rigels Kaso, nga Bilishti i cili u dhunua dhe u la në rrugë ditën e sotme në Tiranë, deklaron se ditët e fundit nuk ka pasur komunikim me 42- vjeçarin.

Ai u shpreh se e njeh atë si një njeri të shkëlqyer dhe se jetonte vetëm.

 “Ishte djalë i shkëlqyer, edhe mos e kishe mendjen do të fliste nëse të shihte në rrugë jo vetëm mua por të gjithëve. Tani  po e bisedoja me gruan edhe u çuditëm. Ai jetonte në Bilisht, në këtë pallatin këtu. Këto 2- 3 ditë nuk e kam parë. Ai jetonte vetëm, e ëma jetonte jashtë shtetit. Ai rrinte me gjyshen, pas vdekjes së gjyshes jetonte vete. Ai ishte specialist elektrik, punonte edhe punë private kur e thërrisnin. Edhe ne kur kishim probleme e thërrisnim e vinte, bile s’na merrte as lekë. Nuk punonte në Tiranë, se di pse ka shkuar. Nuk e di çfarë ka në Tiranë. Si njeri është i shkëlqyer”, tha ai.

S.B/Shqiptarja.com

M.Q./S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në plazhe, sipas jush janë:

Lajme të tjera



×

Lajmi i fundit

Spahiu: Rama pazar me Greqinë, që lejoi Belerin nga burgu të udhëtoj jashtë

Spahiu: Rama pazar me Greqinë, që lejoi Belerin nga burgu të udhëtoj jashtë

15 Korrik, 22:48